16-year-old girl gang-raped in Puducherry, four arrested

പുതുച്ചേരിയിൽ ദീപാവലി ആഘോഷിക്കാനെത്തിയ 16 വയസ്സുകാരി കൂട്ടബലാത്സംഗത്തിനിരയായി. മുംബൈ സ്വദേശിനിയായ പെൺകുട്ടിയാണ് ഈ ക്രൂരകൃത്യത്തിന് ഇരയായത്. സംഭവവുമായി ബന്ധപ്പെട്ട് നാലുപേർ അറസ്റ്റിലായിട്ടുണ്ട്. പുതുച്ചേരിയിലെ ഓട്ടോ ഡ്രൈവറായ കാജാ മൊഹിദീൻ, ആന്ധ്രാ പ്രദേശ് സ്വദേശി, ഒഡിഷ സ്വദേശികളായ രണ്ടുപേർ എന്നിവരാണ് അറസ്റ്റിലായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മറ്റു മൂന്നുപേർക്കായി തിരച്ചിൽ തുടരുകയാണെന്ന് പൊലീസ് അറിയിച്ചു. ഒക്ടോബർ 30-നാണ് സംഭവം നടന്നത്. അന്ന് രാത്രി ഒൻപതോടെ അമ്മയുമായി വഴക്കിട്ട പെൺകുട്ടി കാജാ മൊഹിദീന്റെ ഓട്ടോയിൽ കയറി.

വിനോദസഞ്ചാര കേന്ദ്രങ്ങളിലേക്ക് പോകാനാണ് കുട്ടി ആവശ്യപ്പെട്ടതെങ്കിലും, കോട്ടക്കുപ്പത്തെ വീട്ടിൽ കൊണ്ടുപോയി മദ്യം നൽകി കാജാ മൊഹിദീൻ പെൺകുട്ടിയെ പീഡിപ്പിച്ചു. പിറ്റേന്ന് രാവിലെ ഓറോവില്ലിൽ ഇറക്കിവിട്ട പെൺകുട്ടിയെ അവിടെയുണ്ടായിരുന്ന ഐടി ജീവനക്കാരായ ഒരു സംഘം യുവാക്കൾ ചെന്നൈയിലെത്തിച്ചു. അവിടെ ഒരു മുറിയിൽ പാർപ്പിച്ച് മദ്യം നൽകി മാറിമാറി പീഡിപ്പിക്കുകയായിരുന്നുവെന്ന് ഗ്രാൻഡ് ബസാർ പൊലീസ് വ്യക്തമാക്കി.

— wp:paragraph –> നവംബർ രണ്ടിന് പെൺകുട്ടിയെ പുതുച്ചേരി ബീച്ച് റോഡിൽ ഇറക്കിവിട്ടു. ബീച്ചിനു സമീപം കറങ്ങിനടക്കുന്ന പെൺകുട്ടിയെ കണ്ടെത്തിയ പൊലീസ് ജിപ്മർ ആശുപത്രിയിൽ പ്രവേശിപ്പിച്ചു. ശിശുക്ഷേമ സമിതി പെൺകുട്ടിയുടെ മൊഴിയെടുത്തപ്പോഴാണ് കൂട്ടബലാത്സംഗത്തിനിരയായ കാര്യം പുറത്തറിഞ്ഞത്. സിസിടിവി ദൃശ്യങ്ങളുടെ അടിസ്ഥാനത്തിലാണ് പ്രതികളെ തിരിച്ചറിഞ്ഞ് അറസ്റ്റ് ചെയ്തത്. പ്രതികളെല്ലാം അറസ്റ്റിലായശേഷമേ പേരുവിവരങ്ങൾ വെളിപ്പെടുത്തൂവെന്ന് പൊലീസ് അറിയിച്ചു.

തിരുവനന്തപുരത്ത് ലഹരിമരുന്ന് വേട്ട; നാലുപേർ അറസ്റ്റിൽ; ആലപ്പുഴയിൽ രണ്ട് കോടിയുടെ കഞ്ചാവ് പിടിച്ചെടുത്തു

Story Highlights: 16-year-old girl gang-raped during Diwali visit to Puducherry, four arrested

മയക്കുമരുന്ന് കാരിയറാകാൻ നിർബന്ധിച്ചു; യുവതിയുടെ പരാതിയിൽ കേസ്