കണ്ണൂർ ജില്ലയിൽ ധർമ്മടത്ത് കളിക്കുന്നതിനിടെ ബോംബ് പൊട്ടിത്തെറിച്ച് 12 വയസ്സുകാരനു പരിക്ക്.
കളിക്കുന്നതിനിടെ കയ്യിൽ കിട്ടിയ ഐസ്ക്രീം ബോൾ എടുത്തെറിഞ്ഞപ്പോൾ സ്ഫോടനം ഉണ്ടാകുകയുംതുടർന്ന് കുട്ടിയുടെ നെഞ്ചിനും കാലിനും പരിക്കേൽക്കുകയുമായിരുന്നു.
പരിക്കേറ്റ നരിവയൽ സ്വദേശി ശ്രീവർധ് തലശ്ശേരിയിലെ സ്വകാര്യ ആശുപത്രിയിൽ ചികിത്സയിൽ കഴിയുകയാണ്.
കുട്ടിയുടെ പരിക്കുകൾ ഗുരുതരമല്ലെന്നാണ് ആശുപത്രി അധികൃതർ അറിയിച്ചത്.
പറമ്പിൽ മറ്റ് കുട്ടികൾക്കൊപ്പം ക്രിക്കറ്റ് കളിക്കുകയായിരുന്നു ശ്രീധർവ്, പന്ത് സമീപത്തുള്ള പറമ്പിലേക്ക് പോയതിനെ തുടർന്ന് അത് തിരിച്ചെടുക്കാൻ ചെന്നപ്പോഴാണ് ഐസ്ക്രീം ബോൾ ശ്രദ്ധയിൽപെട്ടത്.
ഇതോടെ ബോംബ് ആണെന്ന് അറിയാതെ കുട്ടി ഇതെടുത്ത് മടങ്ങിയെത്തി കളി തുടരവെയാണ് സ്ഫോടനം ഉണ്ടായത്.പ്രദേശത്ത് പോലീസ് തിരച്ചിൽ നടത്തിവരികയാണ്.
Story highlight : 12 year old injured in ice cream bomb blast.
