Zomato Delivery Man Forced to Remove Santa Costume in Indore

മധ്യപ്രദേശിലെ ഇൻഡോർ നഗരത്തിൽ ക്രിസ്മസ് ദിനത്തിൽ അരങ്ങേറിയ ഒരു വിചിത്ര സംഭവം സമൂഹമാധ്യമങ്ങളിൽ വൈറലായിരിക്കുകയാണ്. ഓൺലൈൻ ഭക്ษണ വിതരണ കമ്പനിയായ സൊമാറ്റോയുടെ ഡെലിവറി ജീവനക്കാരനെ ഹിന്ദു ജാഗരൺ മഞ്ച് പ്രവർത്തകർ തടഞ്ഞുവച്ച് സാന്റാക്ലോസ് വേഷം അഴിപ്പിച്ച സംഭവമാണ് ഇപ്പോൾ ചർച്ചയാകുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സാന്റാക്ലോസ് വേഷത്തിൽ ഭക്ഷണം വിതരണം ചെയ്യാൻ പോകുകയായിരുന്ന ജീവനക്കാരനെ വഴിമധ്യേ തടഞ്ഞ ഹിന്ദുത്വ സംഘടനാ പ്രവർത്തകർ, അദ്ദേഹത്തോട് വിദ്വേഷപരമായ ചോദ്യങ്ങൾ ചോദിക്കുകയും ചെയ്തു. ക്രിസ്മസിന് സാന്റാ വേഷം ധരിക്കുന്നതെന്തിനെന്നും, ഹിന്ദു ആഘോഷങ്ങൾക്ക് ശ്രീരാമന്റെ വേഷമോ കാവി വസ്ത്രമോ ധരിക്കാത്തതെന്തെന്നും അവർ ചോദിച്ചു. ഇത് കമ്പനിയുടെ മാർക്കറ്റിംഗ് തന്ത്രമാണെന്നും, ഉപഭോക്താക്കളുമായി സെൽഫിയെടുക്കേണ്ടതുണ്ടെന്നും ജീവനക്കാരൻ വിശദീകരിച്ചെങ്കിലും അക്രമി സംഘം അത് അംഗീകരിച്ചില്ല.

ഈ സംഭവം രാജ്യത്ത് ക്രിസ്ത്യാനികൾക്കെതിരെ വർധിച്ചുവരുന്ന അക്രമങ്ങളുടെയും വിവേചനത്തിന്റെയും ഒരു ഉദാഹരണമായി കാണപ്പെടുന്നു. ഡൽഹി ആസ്ഥാനമായുള്ള സിവിൽ സൊസൈറ്റി സംഘടനയായ യുസിഎഫിന്റെ റിപ്പോർട്ടുകൾ പ്രകാരം, രാജ്യത്തെ 28 സംസ്ഥാനങ്ങളിൽ 23 എണ്ണത്തിലും ക്രിസ്ത്യാനികൾക്കെതിരായ അതിക്രമങ്ങൾ വർധിച്ചുവരികയാണ്. ഇത്തരം സംഭവങ്ങൾ മതസൗഹാർദ്ദത്തിനും സമൂഹത്തിലെ വൈവിധ്യത്തിനും ഭീഷണിയാകുന്നുവെന്ന് വിദഗ്ധർ മുന്നറിയിപ്പ് നൽകുന്നു.