തെലങ്കാനയിലെ കോഡം പ്രണയ് കുമാർ എന്ന യൂട്യൂബറെ മയിൽ കറി വയ്ക്കുന്നതിന്റെ വീഡിയോ വലിയ വിവാദമായി. വനംവകുപ്പ് ഇയാളെ അറസ്റ്റ് ചെയ്തു.
മയിലിനെ കൊന്നതും കറി വച്ചതും വന്യജീവി സംരക്ഷണ നിയമപ്രകാരം കുറ്റകരമാണ്. മൂന്ന് വർഷം മുതൽ ഏഴ് വർഷം വരെ തടവ് ലഭിക്കാവുന്ന കുറ്റമാണിത്. പരമ്പരാഗത മയിൽ കറിയെന്ന പേരിലാണ് പ്രണയ് കുമാർ വീഡിയോ പങ്കുവച്ചത്.
വീഡിയോ വലിയ വിവാദമായതിനെ തുടർന്ന് പ്രണയ് കുമാർ ഒളിവിൽ പോയി. നീണ്ട തെരച്ചിലിന് ശേഷം തെലങ്കാന പൊലീസ് ഇയാളെ അറസ്റ്റ് ചെയ്തു. മയിൽ കറി വച്ച സ്ഥലവും പൊലീസ് പരിശോധിച്ചു.
നേരത്തെ കാട്ടുപന്നിയെ കൊന്ന് കറി വയ്ക്കുന്ന വീഡിയോ പ്രണയ് കുമാർ പുറത്തുവിട്ടിരുന്നതായും ആരോപണമുണ്ട്. ഇത്തരം നടപടികൾ ചെയ്യുന്നവർക്കെതിരെ നിയമനടപടി സ്വീകരിക്കുമെന്ന് സിരിസില എസ്പി അഖിൽ മഹാജൻ വ്യക്തമാക്കി.
Story Highlights: Youtuber arrested for making peacock curry video in Telangana
Image Credit: twentyfournews
