Youth Congress Leader's Gold Stolen During Protest March

മുഖ്യമന്ത്രിയുടെ രാജി ആവശ്യപ്പെട്ട് പ്രതിപക്ഷ യുവജന സംഘടനകളുടെ നിയമസഭാ മാര്ച്ചില് പങ്കെടുത്ത യൂത്ത് കോണ്ഗ്രസ് ഉപാധ്യക്ഷ അരിതാ ബാബുവിന് സ്വർണം നഷ്ടമായതായി പരാതി. പ്രതിഷേധത്തിനിടെ ജലപീരങ്കിയേറ്റ അരിതയെ സിടി സ്കാൻ ചെയ്യാൻ ജനറൽ ആശുപത്രിയിലേക്ക് മാറ്റിയപ്പോഴാണ് ഒന്നരപവനോളം സ്വർണം കാണാതായത്. സഹപ്രവർത്തകയുടെ ബാഗിൽ സൂക്ഷിച്ചിരുന്ന കമ്മലും മാലയുമാണ് നഷ്ടപ്പെട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇതേത്തുടർന്ന് കന്റോൺമെന്റ് പൊലീസിൽ പരാതി നൽകി. മാര്ച്ച് ആദ്യഘട്ടത്തില് സമാധാനപരമായിരുന്നെങ്കിലും, നേതാക്കളുടെ പ്രസംഗത്തിന് പിന്നാലെ പ്രവര്ത്തകര് ബാരിക്കേഡ് തള്ളിമാറ്റാന് ശ്രമിച്ചു. ഇതോടെ പൊലീസ് ജല പീരങ്കി പലതവണ പ്രയോഗിച്ചു.

രണ്ടാമത്തെ ജലപീരങ്കി എത്തിച്ച് വെള്ളം ചീറ്റിയിട്ടും പ്രവര്ത്തകര് പിന്തിരിഞ്ഞു പോയില്ല. കയ്യില് കിട്ടിയതെല്ലാം എടുത്ത് പ്രവര്ത്തകര് പൊലീസിന് നേരെ എറിഞ്ഞു. സ്ഥിതിഗതികൾ കൈവിട്ടുപോയതോടെ പൊലീസ് നാല് തവണ കണ്ണീര് വാതക ഷെല് പ്രയോഗിച്ചു.

ആഗോള അയ്യപ്പ സംഗമത്തിൽ പങ്കെടുക്കില്ലെന്ന് അഖില ഭാരത അയ്യപ്പ സേവാ സംഘം; ഹൈക്കോടതി വിശദീകരണം തേടി

തുടര്ന്ന് ശാരീരിക അസ്വസ്ഥതകള് പ്രകടിപ്പിച്ച അരിത ബാബുവിനെ ആശുപത്രിയിലേക്ക് മാറ്റി. ഈ സമയത്താണ് അരിതയുടെ സ്വർണാഭരണങ്ങൾ കാണാതായത്. സംഭവത്തിൽ അന്വേഷണം ആരംഭിച്ചതായി പൊലീസ് അറിയിച്ചു.

Story Highlights: Youth Congress leader Aritha Babu’s gold jewelry stolen during protest march

മുഖ്യമന്ത്രിയെ കരിങ്കൊടി കാണിക്കാനെത്തിയ യൂത്ത് കോൺഗ്രസ് പ്രവർത്തകർ അറസ്റ്റിൽ