Kerala Women CPOs Intensify Strike, Demand Rank List Extension

**തിരുവനന്തപുരം◾:** വനിതാ സിവിൽ പൊലീസ് റാങ്ക് ഹോൾഡേഴ്സിന്റെ സെക്രട്ടേറിയറ്റ് പടിക്കൽ നടക്കുന്ന നിരാഹാര സമരം ഇന്ന് ഏഴാം ദിവസത്തിലേക്ക് കടന്നു. റാങ്ക് ലിസ്റ്റിന്റെ കാലാവധി നീട്ടണമെന്നാവശ്യപ്പെട്ട് ഇന്ന് കൂടുതൽ ശക്തമായ സമരമാർഗങ്ങളിലേക്ക് കടക്കുമെന്ന് സമരക്കാർ അറിയിച്ചു. രാവിലെ 10.30ന് കൈകൾ കൊണ്ട് മണ്ണിൽ ഇഴഞ്ഞുള്ള പ്രതിഷേധവും, രാത്രി 8 മണിക്ക് കയ്യിൽ കർപ്പൂരം കത്തിച്ചുള്ള പ്രതിഷേധവും നടത്തുമെന്ന് അവർ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ മാസം 19നാണ് റാങ്ക് ലിസ്റ്റിന്റെ കാലാവധി അവസാനിക്കുന്നത്. 964 പേർ ഉൾപ്പെട്ട റാങ്ക് ലിസ്റ്റിൽ നിന്നും 235 നിയമനം മാത്രമാണ് നടത്തിയിട്ടുള്ളത്. സംസ്ഥാനത്ത് വിവിധ സ്റ്റേഷനുകളിലായി 570ലധികം വനിതാ സിവിൽ പൊലീസ് ഓഫീസർമാരുടെ ഒഴിവുകളുണ്ടെന്നും സമരക്കാർ ചൂണ്ടിക്കാട്ടുന്നു.

സമരം ഏഴു ദിവസം പിന്നിട്ടിട്ടും സർക്കാർ ചർച്ചയ്ക്ക് വിളിച്ചിട്ടില്ലെന്ന് റാങ്ക് ഹോൾഡേഴ്സ് പറയുന്നു. പ്രതിപക്ഷ സംഘടനകളുടെ പിന്തുണ പോലും ലഭിച്ചിട്ടില്ലെന്നും അവർ ആരോപിക്കുന്നു. നിയമന കാലാവധി നീട്ടുക, നിയമനം വേഗത്തിലാക്കുക എന്നിവയാണ് സമരത്തിൻ്റെ പ്രധാന ആവശ്യങ്ങൾ.

കഴിഞ്ഞ ദിവസങ്ങളിൽ ശയനപ്രദക്ഷിണം, കല്ലുപ്പിനു മുകളിൽ മുട്ടുകുത്തിയുള്ള സമരം തുടങ്ങിയ വ്യത്യസ്തമായ സമര മാർഗ്ഗങ്ങൾ അവർ സ്വീകരിച്ചിരുന്നു. കയ്യും കാലും പരസ്പരം ചേർത്ത് കൂട്ടിക്കെട്ടിയും, പ്ലാവില തൊപ്പി ധരിച്ചും പ്രതീകാത്മകമായി പ്രതിഷേധിച്ചിരുന്നു.

ഉപേക്ഷിക്കപ്പെട്ട കുഞ്ഞിന് 'നിധി' എന്ന് പേരിട്ട് മന്ത്രി വീണാ ജോർജ്

വനിതാ പൊലീസ് റാങ്ക് ലിസ്റ്റിന്റെ കാലാവധി നീട്ടണമെന്നാണ് സമരക്കാരുടെ പ്രധാന ആവശ്യം. നിലവിൽ റാങ്ക് ലിസ്റ്റ് കാലാവധി കഴിയാൻ ഇനി 11 ദിവസം മാത്രമാണ് ബാക്കിയുള്ളത്. പൊലീസിലെയും സൈന്യത്തിലെയും കടുത്ത പരിശീലന രീതിയായ രണ്ട് കൈകൾ കൊണ്ട് മണ്ണിൽ ഇഴയുക എന്ന സമരമാർഗ്ഗമാണ് ഇന്ന് രാവിലെ സ്വീകരിച്ചത്.

Story Highlights: Women CPO rank holders in Kerala intensify their strike, demanding extension of the rank list and faster appointments.

രാഹുൽ മാങ്കൂട്ടത്തിൽ എംഎൽഎയ്ക്കെതിരെ കേസ്