ചെന്നൈ :ഒരു വയസ്സുള്ള പെൺകുഞ്ഞുമായി അമ്മ കിണറ്റിൽ ചാടി ആത്മഹത്യ ചെയ്തു. തമിഴ്‌നാട്ടിലെ മധുരയിലുള്ള ടി പുതുപ്പട്ടിയിലാണ് സംഭവം. യുവതി എയ്ഡ് രോഗ ബാധിതയാണെന്നാണ് കണ്ടെത്തൽ.
നാല് വർഷം മുൻപായിരുന്നു തെങ്കാശി സ്വദേശിയായ യുവാവുമായി യുവതിയുടെ വിവാഹം.തിരുപ്പൂരിലാണ് ഇരുവരും താമസിച്ചിരുന്നത്.കഴിഞ്ഞ വർഷം യുവതിയുടെ ഭർത്താവ് എയ്ഡ് ബാധിച്ച് മരിച്ചിരുന്നു.
തുടർന്ന് നടത്തിയ പരിശോധനയിൽ യുവതിക്കും എയ്ഡ് സ്ഥിരീകരിക്കുകയായിരുന്നു.ഒരു മാസം മുൻപ് അമ്മയുടെ കൂടെ താമസിക്കാൻ എത്തിയ യുവതി കഴിഞ്ഞ ദിവസം രാവിലെ വീട്ടിൽ നിന്ന് കുഞ്ഞുമായി ഇറങ്ങിയ ശേഷം തിരിച്ചെത്തിയില്ല.
തുടർന്ന് നടത്തിയ തിരച്ചിലിനൊടുവിൽ ഇരുവരുടേയും മൃതദേഹം സമീപത്തെ കിണറ്റിൽ നിന്നും കണ്ടെത്തുകയായിരുന്നു.സംഭവത്തിൽ അന്വേഷണം ആരംഭിച്ചതായി പോലീസ് അറിയിച്ചു.
Story highlight :Women committed suicide with baby in Chennai.
