Woman murdered and buried in concrete in Ambalapuzha, Kerala

അമ്പലപ്പുഴ കരൂരിൽ നടന്ന ഞെട്ടിപ്പിക്കുന്ന കൊലപാതകത്തിന്റെ വിവരങ്ങൾ പുറത്തുവന്നിരിക്കുകയാണ്. വിജയലക്ഷ്മി എന്ന യുവതിയെ കട്ടിംഗ് പ്ലെയർ കൊണ്ട് തലയ്ക്കടിച്ച് കൊലപ്പെടുത്തിയ ശേഷം കുഴിച്ചുമൂടി കോൺക്രീറ്റ് ചെയ്തതായാണ് പൊലീസ് പറയുന്നത്. പ്രതിയായ ജയചന്ദ്രനുമായി സംഭവസ്ഥലത്തെത്തി പൊലീസ് തെളിവെടുപ്പ് നടത്തുകയാണ്. ഫോറൻസിക് വിദഗ്ധരും സ്ഥലത്തെത്തിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിജയലക്ഷ്മിയെ കാണാനില്ലെന്ന് ബന്ധുക്കൾ ഈ മാസം 6 മുതൽ പരാതി നൽകിയിരുന്നു. ഇടുക്കി സ്വദേശിയായ ആളെയായിരുന്നു ഇവർ വിവാഹം ചെയ്തത്. എന്നാൽ ഭർത്താവുമായി അകന്നു കഴിയുകയായിരുന്നു. രണ്ട് മക്കളുണ്ട്. കരുനാഗപ്പള്ളിയിൽ താമസമാക്കിയ വിജയലക്ഷ്മി അമ്പലപ്പുഴക്കാരനായ ജയചന്ദ്രനുമായി അടുത്ത സൗഹൃദത്തിലായിരുന്നു. മറ്റൊരാളുമായി വിജയലക്ഷ്മിക്ക് ബന്ധമുണ്ടെന്ന സംശയമാണ് കൊലപാതകത്തിന് കാരണമെന്ന് ജയചന്ദ്രൻ മൊഴി നൽകിയിട്ടുണ്ട്.

നാല് ദിവസം മുൻപ് അമ്പലപ്പുഴയിലെത്താൻ വിജയലക്ഷ്മി ജയചന്ദ്രനോട് പറഞ്ഞിരുന്നു. ഇരുവരും തമ്മിൽ അഭിപ്രായ വ്യത്യാസമുണ്ടായതിനെ തുടർന്നാണ് കട്ടിംഗ് പ്ലെയർ ഉപയോഗിച്ച് ആക്രമിച്ചത്. കൊലപാതകത്തിന് ശേഷം ശ്രദ്ധ തിരിച്ചുവിടാൻ പ്രതി ശ്രമിച്ചതായി പൊലീസ് അറിയിച്ചു. കൊച്ചിയിലെത്തിയ ജയചന്ദ്രൻ വിജയലക്ഷ്മിയുടെ ഫോൺ കണ്ണൂരിലേക്കുള്ള കെഎസ്ആർടിസി ബസിൽ ഉപേക്ഷിക്കുകയായിരുന്നു. ഫോണുമായി ബന്ധപ്പെട്ട അന്വേഷണത്തിലാണ് പ്രതിയെ പിടികൂടിയത്.

മെഡിക്കൽ കോളേജിലെ അനാസ്ഥ: ആൻജിയോഗ്രാം ലിസ്റ്റിൽ നിന്ന് ഒഴിവാക്കിയെന്ന് വേണുവിന്റെ ശബ്ദസന്ദേശം

Story Highlights: Woman murdered and buried in concrete in Ambalapuzha, suspect arrested

തിരൂരിൽ എംഡിഎംഎയുമായി 18കാരൻ പിടിയിൽ