Cholera outbreak in Wayanad: Woman dies, 10 others hospitalized

വയനാട്ടിലെ നൂൽപ്പുഴ തോട്ടാമൂല സ്വദേശിയായ വിജില (30) എന്ന യുവതി കോളറ ബാധിച്ച് മരണമടഞ്ഞു. ശനിയാഴ്ച രാത്രിയാണ് വിജിലയ്ക്ക് രോഗലക്ഷണങ്ങൾ ആരംഭിച്ചത്. ഞായറാഴ്ച രോഗം മൂർച്ഛിച്ചതിനെ തുടർന്ന് അതിസാരവുമായി ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പിന്നീടുള്ള പരിശോധനയിലാണ് കോളറ സ്ഥിരീകരിച്ചത്. തോട്ടാമൂല കുണ്ടാണംകുന്നിൽ നിന്നും 10 പേർ അതിസാരം ബാധിച്ച് ആശുപത്രിയിൽ ചികിത്സ തേടിയിട്ടുണ്ട്. ഇതിൽ രണ്ട് കുട്ടികൾ, ഏഴ് സ്ത്രീകൾ, ഒരു പുരുഷൻ എന്നിവർ ഉൾപ്പെടുന്നു.

ഇവരെ ഐസൊലേഷൻ വാർഡിലേക്ക് മാറ്റിയിട്ടുണ്ട്. ഇവരിൽ ഒരാൾക്ക് ആരോഗ്യ വകുപ്പ് കോളറ സ്ഥിരീകരിച്ചിട്ടുണ്ട്. മറ്റുള്ളവരുടെ പരിശോധനാ ഫലം ലഭിക്കാനുണ്ട്.

കോളറ സ്ഥിരീകരിച്ചതിനെ തുടർന്ന് മേഖലയിൽ ആരോഗ്യ വകുപ്പ് ജാഗ്രതാ നിർദേശം പുറപ്പെടുവിച്ചിട്ടുണ്ട്. ഈ സാഹചര്യത്തിൽ പ്രദേശവാസികൾ അതീവ ജാഗ്രത പാലിക്കേണ്ടതുണ്ട്. ശുചിത്വം, ശുദ്ധമായ കുടിവെള്ളം എന്നിവ ഉറപ്പാക്കുന്നതിനോടൊപ്പം രോഗലക്ഷണങ്ങൾ കണ്ടാൽ ഉടൻ വൈദ്യസഹായം തേടണമെന്നും നിർദേശിച്ചിട്ടുണ്ട്.

രജനികാന്തുമായി കൂടിക്കാഴ്ച നടത്തി മന്ത്രി റിയാസ്

Story Highlights: Woman dies of cholera in Wayanad, Kerala; 10 others hospitalized with diarrhea

മുല്ലപ്പെരിയാർ അണക്കെട്ട് സുരക്ഷിതമെന്ന് തമിഴ്നാട്; ജലനിരപ്പ് 152 അടിയായി ഉയർത്താമെന്നും സത്യവാങ്മൂലം