Former lodge employee claims to have seen Jesna James before disappearance

മുണ്ടക്കയത്തുള്ള ഒരു ലോഡ്ജിലെ മുൻ ജീവനക്കാരി ജസ്ന ജെയിംസിൻ്റെ തിരോധാനവുമായി ബന്ധപ്പെട്ട് നിർണായക വെളിപ്പെടുത്തൽ നടത്തിയിരിക്കുന്നു. ജസ്നയെ കാണാതാകുന്നതിന് രണ്ട് ദിവസം മുമ്പ് ജസ്നയോട് സാദൃശ്യമുള്ള ഒരു പെൺകുട്ടിയെ ലോഡ്ജിൽ കണ്ടതായാണ് ഈ വെളിപ്പെടുത്തൽ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഒരു യുവാവും പെൺകുട്ടിയ്ക്കൊപ്പം ഉണ്ടായിരുന്നതായും ജീവനക്കാരി പറയുന്നു. ക്രൈംബ്രാഞ്ച് സംഘം ഇക്കാര്യങ്ങൾ അന്വേഷിച്ചിരുന്നുവെന്നും, വാർത്ത പത്രത്തിൽ വന്നപ്പോഴാണ് ലോഡ്ജിൽ കണ്ട പെൺകുട്ടിയാണെന്ന് മനസിലായതെന്നും മുണ്ടക്കയം സ്വദേശിനിയായ ജീവനക്കാരി വെളിപ്പെടുത്തി.

ലോഡ്ജ് ഉടമ ഭീഷണിപ്പെടുത്തിയത് കൊണ്ടാണ് ഇതുവരെ ഈ വിവരം പറയാതിരുന്നതെന്നും ജീവനക്കാരി പറഞ്ഞു. എന്നാൽ, ജെസ്ന വന്നിട്ടില്ലെന്നും മുണ്ടക്കയം സ്വദേശിനിയുടെ വെളിപ്പെടുത്തൽ ശരിയല്ലെന്നും തന്നോടുള്ള വൈരാഗ്യം മൂലമാണ് ഈ ആരോപണമെന്നുമാണ് ലോഡ്ജ് ഉടമയുടെ പ്രതികരണം.

2018 മാര്ച്ച് 22നാണ് കാഞ്ഞിരപ്പള്ളി സെന്റ് ഡൊമനിക് കോളജിലെ രണ്ടാം വര്ഷ വിദ്യാര്ഥിയായ ജസ്നയെ മുക്കൂട്ടുതറയില് നിന്നും കാണാതായത്. ബന്ധുവിന്റെ വീട്ടിലേക്കെന്ന് പറഞ്ഞ് ഇറങ്ങിയ പെണ്കുട്ടിയെ പിന്നെ ആരും കണ്ടിട്ടില്ല.

ശബരിമല വിഷയം വഴിതിരിച്ചുവിടാനുള്ള ശ്രമം; ദേവസ്വം ബോര്ഡിനെ സംരക്ഷിക്കുന്നത് സ്വര്ണക്കടത്ത് മറയ്ക്കാന്: ഷാഫി പറമ്പില്

ആദ്യം ലോക്കല് പൊലീസും പിന്നീട് സിബിഐയും അന്വേഷണം നടത്തിയെങ്കിലും ജസ്നയെ കണ്ടെത്താന് ഇതുവരെ ആയിട്ടില്ല.

Story Highlights: Woman claims to have seen Jesna at mundakayam lodge

നീലേശ്വരം വെടിക്കെട്ടപകടം; അന്വേഷണം പൂർത്തിയാക്കാതെ പൊലീസ്