കാഞ്ഞങ്ങാട് സ്വദേശിനിയായ യുവതിക്കെതിരെ വാട്സ്ആപ്പ് ശബ്ദസന്ദേശത്തിലൂടെ മുത്തലാഖ് ചൊല്ലിയെന്ന പരാതിയുമായി കുടുംബം രംഗത്ത്. 2022 ഓഗസ്റ്റ് എട്ടിന് വിവാഹിതയായ യുവതിയുടെ ഭർത്താവ് അബ്ദുൾ റസാഖ് വിദേശത്തായിരുന്നു. ഭർത്താവ് യുഎഇയിലേക്ക് പോയതിന് ശേഷം മാസങ്ങളോളം വിവരങ്ങളൊന്നും ലഭിച്ചിരുന്നില്ല. ഈ സാഹചര്യത്തിൽ ഭർത്താവിനെ തിരക്കി യുഎഇയിലേക്ക് പോകാൻ യുവതി തയാറെടുപ്പുകൾ നടത്തിയിരുന്നു.
കല്ലൂരാവി സ്വദേശിനിയായ യുവതിയുടെ പിതാവിന്റെ ഫോണിലേക്കാണ് ഭർത്താവിന്റെ മുത്തലാഖ് സന്ദേശം എത്തിയത്. മൂന്നു കൊല്ലമായി സഹിക്കുന്നുവെന്നും നിങ്ങളുടെ മോളെ വേണ്ട എന്നും സന്ദേശത്തിൽ പറഞ്ഞിരുന്നു. പറഞ്ഞപോലെ കേട്ട് നിക്കണമെന്നും വേണ്ടാന്ന് പറഞ്ഞാൽ വേണ്ട, മൂന്ന് തലാഖ് ചൊല്ലി നിങ്ങളുടെ മോളെ വേണ്ട എന്നുമായിരുന്നു സന്ദേശത്തിലെ പ്രധാനഭാഗം. വിവാഹസമയത്ത് 50 പവൻ സ്വർണം സ്ത്രീധനമായി ആവശ്യപ്പെട്ടിരുന്നെങ്കിലും 20 പവൻ മാത്രമാണ് നൽകാൻ കഴിഞ്ഞതെന്ന് യുവതി പറഞ്ഞു.
സ്ത്രീധനം കുറഞ്ഞതിന്റെ പേരിൽ ഭർത്താവും കുടുംബവും നിരന്തരം പീഡിപ്പിച്ചിരുന്നതായും യുവതി ആരോപിച്ചു. രണ്ടരവർഷത്തോളം പല ദിവസങ്ങളിൽ ഭർതൃവീട്ടിൽ പട്ടിണി കിടക്കേണ്ടി വന്നതായും യുവതി വെളിപ്പെടുത്തി. ഭർതൃവീട്ടുകാർ നിരന്തരം മർദിച്ചിരുന്നെന്നും സ്വർണം കുറഞ്ഞുപോയെന്ന് പറഞ്ഞായിരുന്നു പീഡനമെന്നും യുവതി പരാതിയിൽ പറഞ്ഞു. മാനസികമായും ശാരീരികമായും പീഡിപ്പിച്ചിരുന്നതായും യുവതി വ്യക്തമാക്കി.
കഴിഞ്ഞമാസം 21നാണ് മുത്തലാഖ് ചൊല്ലിയതായി സന്ദേശം ലഭിച്ചത്. ഹോസ്ദുർഗ് പൊലീസ് സ്റ്റേഷനിൽ യുവതിയുടെ പിതാവ് പരാതി നൽകിയിട്ടുണ്ട്. നിയമപരമായി പോരാടാനാണ് കുടുംബത്തിന്റെ തീരുമാനം. 18 വയസിലാണ് യുവതിയുടെ വിവാഹം നടന്നത്.
വിവാഹശേഷം തുടർച്ചയായി പീഡനങ്ങൾക്ക് ഇരയാക്കപ്പെട്ടെന്നും യുവതി പറഞ്ഞു.
Story Highlights: A woman from Kasaragod has filed a complaint alleging that her husband divorced her through a WhatsApp voice message.
കാസർഗോഡ് വെള്ളരിക്കുണ്ടിൽ വർഷങ്ങളായി മനസ്സിൽ സൂക്ഷിച്ച പകയുടെ പേരിൽ വയോധികന് ക്രൂരമർദ്ദനം. നാലാം Read more
സൗദി അറേബ്യയിലെ ബീഷക്ക് സമീപം റാക്കിയയിൽ മലയാളി യുവാവ് വെടിയേറ്റ് മരിച്ചു. കാസർഗോഡ് Read more
മഞ്ചേശ്വരത്ത് 33 കിലോ കഞ്ചാവ് പിടികൂടി. ഉപ്പള സോങ്കാൽ സ്വദേശി അശോകയെ കാസർഗോഡ് Read more
അതിതീവ്ര മഴയുടെ പശ്ചാത്തലത്തിൽ കാസർഗോഡ് ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. Read more
കാസർഗോഡ് മട്ടലായിൽ റോഡ് നിർമ്മാണത്തിനിടെ മണ്ണിടിഞ്ഞ് ഒരാൾ മരിച്ചു. ദേശീയപാതയുടെ നിർമ്മാണം നടക്കുന്ന Read more
കാസർഗോഡ് ചിറ്റാരിക്കലിൽ യുവതിക്ക് നേരെ ആസിഡ് ആക്രമണം നടത്തിയ ശേഷം ഒളിവിൽ പോയ Read more
കാസർഗോഡ് പ്രസ് ക്ലബ്ബിന്റെ ആഭിമുഖ്യത്തിൽ മെയ് 21ന് സംസ്ഥാന ജേർണലിസ്റ്റ് വടംവലി ചാമ്പ്യൻഷിപ്പ് Read more
മഞ്ചേശ്വരത്ത് പൂട്ടിയിട്ട വീട്ടിൽ നിന്ന് 22 പവൻ സ്വർണം മോഷണം പോയി. ഏപ്രിൽ Read more
കാസർഗോഡ് ജില്ലയിൽ എന്റെ കേരളം മെഗാ പ്രദർശന വിപണന മേള വിജയകരമായി സമാപിച്ചു. Read more
കാസർഗോഡ് വിദ്യാനഗറിൽ എട്ടു വയസ്സുകാരൻ കത്തിക്കു മീതെ വീണ് മരിച്ചു. പാടി ബെള്ളൂറടുക്ക Read more
