WhatsApp: Top Platform for Cyber Crimes in India

രാജ്യത്തെ സൈബർ കുറ്റവാളികൾ കുറ്റകൃത്യങ്ങൾക്കായി ഏറ്റവും കൂടുതൽ ഉപയോഗിക്കുന്ന സമൂഹ മാധ്യമ പ്ലാറ്റ്ഫോം വാട്സാപ്പാണെന്ന് കേന്ദ്ര ആഭ്യന്തരമന്ത്രാലയത്തിൻ്റെ പുതിയ റിപ്പോർട്ടിൽ വ്യക്തമാക്കുന്നു. ടെലഗ്രാമും ഇൻസ്റ്റഗ്രാമും പോലുള്ള മറ്റ് പ്ലാറ്റ്ഫോമുകളെക്കാൾ കൂടുതൽ സൈബർ കുറ്റവാളികൾ വാട്സാപ്പിനെയാണ് ആശ്രയിക്കുന്നതെന്ന് റിപ്പോർട്ട് ചൂണ്ടിക്കാട്ടുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ വർഷത്തെ ആദ്യ മൂന്നു മാസങ്ങളിലെ കണക്കുകൾ പരിശോധിച്ചപ്പോൾ, വാട്സാപ്പ് വഴിയുള്ള കുറ്റകൃത്യങ്ങൾക്കെതിരെ 43,797 പരാതികൾ ലഭിച്ചു. അതേസമയം, ടെലഗ്രാമിനെതിരെ 22,680 പരാതികളും ഇൻസ്റ്റഗ്രാമിനെതിരെ 19,800 പരാതികളുമാണ് രജിസ്റ്റർ ചെയ്തത്.

ഈ കണക്കുകൾ വ്യക്തമാക്കുന്നത് വാട്സാപ്പ് ഉപയോക്താക്കളാണ് സൈബർ കുറ്റകൃത്യങ്ങൾക്ക് ഏറ്റവും കൂടുതൽ ഇരയാകുന്നതെന്നാണ്. സൈബർ കുറ്റവാളികൾ പ്രധാനമായും ലക്ഷ്യമിടുന്നത് ചെറുകിട ബിസിനസുകാർ, തൊഴിലില്ലാത്ത യുവാക്കൾ, വീട്ടമ്മമാർ, വിദ്യാർഥികൾ, പെൻഷനേഴ്സ് എന്നിവരെയാണ്.

ഇത്തരം കുറ്റകൃത്യങ്ങൾ തടയുന്നതിനായി ഇന്ത്യൻ സൈബർക്രൈം കോർഡിനേഷൻ സെന്റർ (I4C) ഗൂഗിളുമായും ഫെയ്സ്ബുക്കുമായും സഹകരിച്ച് പ്രവർത്തിക്കുന്നുണ്ട്. ഡിജിറ്റൽ വായ്പാ ആപ്പുകളുടെ തട്ടിപ്പുകൾ കണ്ടെത്തുന്നതിനും, ഗൂഗിളിൻ്റെ ഫയർബേസ് ഡൊമെയ്നുകൾ ദുരുപയോഗം ചെയ്യുന്നത് തടയുന്നതിനുമാണ് ഈ സഹകരണം ലക്ഷ്യമിടുന്നത്.

സുനിത വില്യംസ് ഇന്ത്യ സന്ദർശിക്കും; ഐഎസ്ആർഒ ശാസ്ത്രജ്ഞരുമായി കൂടിക്കാഴ്ച നടത്തും

Story Highlights: WhatsApp emerges as the most exploited platform for cyber crimes in India, according to a new report by the Ministry of Home Affairs.

വഖഫ് നിയമ ഭേദഗതി: രാഷ്ട്രപതിയുടെ അംഗീകാരം