Retired Judge Scammed of Rs 90 Lakh, Accused Arrested

കൊച്ചി◾: വിരമിച്ച ഹൈക്കോടതി ജഡ്ജിയിൽ നിന്ന് 90 ലക്ഷം രൂപ ഓൺലൈനായി തട്ടിയെടുത്ത കേസിൽ പ്രതികളെ കൊച്ചി സൈബർ പോലീസ് അറസ്റ്റ് ചെയ്തു. കോഴിക്കോട് വടകര സ്വദേശികളായ മിർഷാദ്, മുഹമ്മദ് ഷർജിൽ എന്നിവരാണ് അറസ്റ്റിലായത്. തൃപ്പൂണിത്തുറ എരൂരിൽ താമസിക്കുന്ന മുൻ ജഡ്ജി ശശിധരൻ നമ്പ്യാർക്കാണ് പണം നഷ്ടമായത്. കഴിഞ്ഞ വർഷം ഡിസംബർ നാലിനും 30-നും ഇടയിലാണ് തട്ടിപ്പ് നടന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പണം നിക്ഷേപിച്ചാൽ 850 ശതമാനം ലാഭം ലഭിക്കുമെന്ന് വാഗ്ദാനം ചെയ്താണ് തട്ടിപ്പ് നടത്തിയത്. ആദിത്യ ബിർള ഇക്വിറ്റി ലേണിങ് എന്ന ഓഹരി വിപണി സംബന്ധിച്ച വാട്സാപ്പ് ഗ്രൂപ്പിലൂടെയാണ് തട്ടിപ്പ് നടന്നത്. റിട്ട. ജഡ്ജിയെ ഈ ഗ്രൂപ്പിൽ അംഗമാക്കിയ ശേഷം പണം നിക്ഷേപിക്കാൻ പ്രേരിപ്പിക്കുകയായിരുന്നു.

ഗ്രൂപ്പിൽ പങ്കുവെച്ച ലിങ്കിലൂടെ ശശിധരൻ നമ്പ്യാർ പണം കൈമാറി. ശശിധരൻ നമ്പ്യാരുടെ പല അക്കൗണ്ടുകളിൽ നിന്നായി 90 ലക്ഷം രൂപയാണ് തട്ടിപ്പുകാർ കൈക്കലാക്കിയത്. എന്നാൽ വാഗ്ദാനം ചെയ്ത ലാഭമോ നിക്ഷേപിച്ച പണമോ തിരികെ ലഭിച്ചില്ല.

തുടർന്ന് തൃപ്പൂണിത്തുറ ഹിൽപ്പാലസ് പോലീസ് സ്റ്റേഷനിൽ പരാതി നൽകി. പിന്നീട് കേസ് സൈബർ പോലീസിന് കൈമാറി. പ്രതികൾക്ക് കംബോഡിയ, ചൈന കേന്ദ്രീകരിച്ചുള്ള സൈബർ തട്ടിപ്പ് സംഘങ്ങളുമായി ബന്ധമുണ്ടെന്നാണ് പോലീസ് പറയുന്നത്.

സൈബർ തട്ടിപ്പിനിരയായി വൃദ്ധ ദമ്പതികൾ ആത്മഹത്യ ചെയ്തു

മുൻ ജഡ്ജിയിൽ നിന്ന് ഓൺലൈനായി 90 ലക്ഷം തട്ടിയെടുത്തതിനു പിന്നാലെ പ്രതികളിൽ രണ്ടുപേർ ഇസാഫ് ബാങ്കിന്റെ തലശ്ശേരി ബ്രാഞ്ചിൽ നിന്നും 30 ലക്ഷം രൂപ പിൻവലിക്കുന്നതിന്റെ ദൃശ്യങ്ങൾ പോലീസിന് ലഭിച്ചു. ഇവരെ ചോദ്യം ചെയ്തതിൽ നിന്നാണ് പിൻവലിച്ച പണം ക്രിപ്റ്റോ കറൻസിയാക്കി മാറ്റിയ ആളെക്കുറിച്ച് വിവരം ലഭിച്ചത്.

ബൃഹത്തായ ഓൺലൈൻ തട്ടിപ്പു സംഘത്തിന്റെ കണ്ണികളാണ് പ്രതികളെന്ന് വ്യക്തമായതിനെ തുടർന്ന് മൂവരെയും അറസ്റ്റ് ചെയ്തു. മുഹമ്മദ് ഷർജിൽ ടി എന്നയാളാണ് മൂന്നാമത്തെ പ്രതി.

Story Highlights: Retired High Court judge loses Rs 90 lakh in online trading scam; Kochi Cyber Police arrests accused from Vadakara.

കൊച്ചിയിലെ തൊഴിൽ പീഡന ദൃശ്യങ്ങൾ വ്യാജമെന്ന് യുവാക്കൾ