Usha Haseena: More names to emerge in film industry allegations

സിനിമാ മേഖലയിലെ പ്രമുഖരെക്കുറിച്ചുള്ള ആരോപണങ്ങൾ ഉയരുന്ന സാഹചര്യത്തിൽ, കൂടുതൽ പേരുകൾ പുറത്തുവരാനുണ്ടെന്ന് നടി ഉഷ ഹസീന അഭിപ്രായപ്പെട്ടു. എല്ലാവരും ധൈര്യമായി മുന്നോട്ട് വന്ന് കേസ് നൽകണമെന്നും, ഹേമ കമ്മിറ്റിക്ക് മുന്നിൽ മൊഴി നൽകിയവർ കൂടി മുന്നോട്ട് വന്നാൽ ഭയങ്കര ഭൂകമ്പമായിരിക്കും ഉണ്ടാകുകയെന്നും അവർ കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുറ്റക്കാരെ നിയമത്തിന് മുന്നിൽ എത്തിക്കാൻ മൊഴി നൽകിയവർ കേസ് കൊടുക്കേണ്ടത് അനിവാര്യമാണെന്നും ഉഷ ചൂണ്ടിക്കാട്ടി. സർക്കാർ ഉചിതമായ സമയത്ത് വേണ്ട രീതിയിൽ ഇടപെടുമെന്നും, പോസിറ്റീവ് ആയ തീരുമാനമായിരിക്കും ഉണ്ടാവുകയെന്നും ഉഷ പ്രതീക്ഷ പ്രകടിപ്പിച്ചു.

ഹേമ കമ്മിറ്റി പോലെയുള്ള വലിയൊരു സംവിധാനം സർക്കാർ ഏർപ്പെടുത്തിയതായും അവർ അഭിപ്രായപ്പെട്ടു. റിപ്പോർട്ട് പുറത്തുവന്നതിനു ശേഷം നിരവധി കാര്യങ്ങൾ കേൾക്കുന്നുണ്ടെന്നും, ഇനി എന്താണ് നഷ്ടപ്പെടാനുള്ളതെന്നും ഉഷ ചോദിച്ചു.

അതേസമയം, റിപ്പോർട്ട് പുറത്തുവന്നതിനു പിന്നാലെ മലയാള സിനിമാ താരങ്ങളുടെ സംഘടനയായ അമ്മയിൽ നിന്ന് ഭരണ സമിതി രാജിവച്ചു. പ്രസിഡന്റ് മോഹൻലാൽ അടക്കം പതിനേഴ് അംഗങ്ങളാണ് രാജി സമർപ്പിച്ചത്.

ആശാ വർക്കേഴ്സിന് ഓണറേറിയം വർധിപ്പിക്കാൻ കോൺഗ്രസ് ഭരിക്കുന്ന തദ്ദേശ സ്ഥാപനങ്ങൾക്ക് കെപിസിസി നിർദേശം

അടിയന്തര സാഹചര്യം പരിഗണിച്ച് ഓൺലൈനായി യോഗം ചേർന്നതിന് പിന്നാലെയാണ് ഭരണ സമിതി പൂർണമായി പിരിച്ചുവിട്ടത്. ദൈനംദിന പ്രവർത്തനങ്ങൾ ഏകോപിപ്പിക്കാൻ അഡ്ഹോക് കമ്മിറ്റി നിലവിൽ വരുമെന്നും അറിയിച്ചു.

Story Highlights: Actress Usha Haseena urges victims to file cases against prominent figures in film industry

മുടി സംബന്ധിച്ച പരാമർശം ലൈംഗികാതിക്രമമല്ല: ബോംബെ ഹൈക്കോടതി