Wayanad Tiger Captured After 10 Days

പുൽപ്പള്ളിയിലെ ജനവാസ മേഖലയിൽ ഭീതി പരത്തിയിരുന്ന കടുവയെ പത്താം ദിവസം കൂട്ടിലാക്കിയതായി വനംവകുപ്പ് അറിയിച്ചു. തൂപ്രയിൽ കേശവന്റെ വീടിനു സമീപത്തെ വയലിൽ സ്ഥാപിച്ച കൂട്ടിലാണ് 13 വയസ് പ്രായമുള്ള കടുവ കുടുങ്ങിയത്. അമരക്കുനിയിലെ ജനവാസ മേഖലയിൽ കടുവയെ കണ്ടതായി റിപ്പോർട്ടുകൾ വന്നതിനെ തുടർന്ന് വനംവകുപ്പ് ജാഗ്രത ശക്തമാക്കിയിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഒരാഴ്ചയ്ക്കിടെ അഞ്ച് ആടുകളെ കടുവ കൊന്നൊടുക്കിയ സംഭവത്തിൽ പ്രദേശവാസികൾ വലിയ പ്രതിഷേധം പ്രകടിപ്പിച്ചിരുന്നു. കടുവയെ പിടികൂടുന്നതിനായി വനംവകുപ്പ് അഞ്ച് കൂടുകൾ സ്ഥാപിച്ചിരുന്നു. ഇതിൽ ഒന്നിലാണ് കടുവ കുടുങ്ങിയത്.

കഴിഞ്ഞ ഏഴാം തീയതിയാണ് കടുവ ആദ്യത്തെ ആടിനെ കൊന്നത്. പിന്നീട് തുടർച്ചയായി ആടുകളെ കൊന്നൊടുക്കിയത് പ്രദേശത്ത് വലിയ ഭീതി സൃഷ്ടിച്ചിരുന്നു. കാറിലെ ഡാഷ് ബോർഡിൽ നിന്നുള്ള ദൃശ്യങ്ങളിൽ കടുവ റോഡ് മുറിച്ചുകടക്കുന്നത് പതിഞ്ഞിരുന്നു.

രാപ്പകൽ ഭേദമന്യേ വനംവകുപ്പ് ഉദ്യോഗസ്ഥർ കടുവയെ കൂട്ടിലാക്കാൻ ശ്രമം തുടരുകയായിരുന്നു. അമരക്കുനിയിലും പരിസര പ്രദേശങ്ങളിലും കടുവയുടെ സാന്നിധ്യം സ്ഥിരീകരിച്ചതിനെ തുടർന്ന് ജനങ്ങൾ ഭീതിയിലായിരുന്നു. തൂപ്രയിലെ കൂട് ഉൾപ്പെടെ അഞ്ച് കൂടുകൾ വിവിധ സ്ഥലങ്ങളിൽ സ്ഥാപിച്ചിരുന്നു.

ജി. സുധാകരനെ അവഗണിക്കുന്നെന്ന തോന്നലുണ്ട്; പാര്ട്ടി അച്ചടക്കം പാലിക്കണം: എ.കെ. ബാലന്

Story Highlights: A 13-year-old tiger that had been terrorizing the Pulpalli area of Wayanad, India, was finally captured after ten days.

ഇന്ത്യക്കെതിരെ വീണ്ടും ആണവ ഭീഷണിയുമായി പാക് സൈനിക മേധാവി