Wayanad Auto Driver Murder: Family Alleges Wider Conspiracy

വയനാട്ടിലെ ഓട്ടോ ഡ്രൈവർ നവാസിന്റെ കൊലപാതകത്തിൽ കൂടുതൽ ആളുകൾ ഉൾപ്പെട്ടിട്ടുണ്ടെന്ന് കുടുംബം ആരോപിക്കുന്നു. അറസ്റ്റിലായ സുമിൽഷാദിന്റെയും അജിൻഷാദിന്റെയും പിതാവ് സുൽഫിക്കറിന് ഗൂഢാലോചനയിൽ പങ്കുണ്ടെന്ന് നവാസിന്റെ ബന്ധു അബ്ദുൾ റഷീദ് ആരോപണം ഉന്നയിച്ചു. സുൽഫിക്കറും നവാസും തമ്മിൽ മുൻപ് തർക്കം ഉണ്ടായിരുന്നതായും അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പ്രതിയായ സുമിൽഷാദിനെ ഇന്നോവ കാറിൽ രക്ഷപ്പെടാൻ സഹായിച്ചവരുണ്ടെന്നും അതിലേക്ക് അന്വേഷണം വ്യാപിപ്പിക്കണമെന്നും അബ്ദുൾ റഷീദ് ആവശ്യപ്പെട്ടു. അതേസമയം, അന്വേഷണത്തിന് പ്രത്യേക സംഘം വേണമെന്നാണ് ഡിവൈഎഫ്ഐയുടെ ആവശ്യം. പ്രതികളുടെ ഹോട്ടൽ ലഹരി കേന്ദ്രമായിരുന്നുവെന്ന ആരോപണവും അന്വേഷണ വിധേയമാക്കണമെന്ന് ഡിവൈഎഫ്ഐ ആവശ്യപ്പെട്ടു.

കഴിഞ്ഞ തിങ്കളാഴ്ച ഥാർ ജീപ്പും ഓട്ടോറിക്ഷയും കൂട്ടിയിടിച്ച് നവാസ് മരിച്ച സംഭവം ആസൂത്രിത കൊലപാതകമാണെന്ന ആരോപണവുമായി ബന്ധുക്കൾ പൊലീസിനെ സമീപിച്ചിരുന്നു. തുടർന്നുള്ള അന്വേഷണത്തിലാണ് സുമിൽ ഷാദ് ഥാർ ജീപ്പിടിപ്പിച്ച് നവാസിനെ കൊലപ്പെടുത്തിയതാണെന്ന് തെളിഞ്ഞത്. ഓട്ടോറിക്ഷയിൽ നവാസ് കയറി പോകുന്ന കാര്യം അജിൻഷാദ് സഹോദരനായ സുമിൽഷാദിനെ ഫോണിൽ വിളിച്ചറിയിച്ചിരുന്നു. തുടർന്ന് റോഡരികിൽ വാഹനത്തിൽ കാത്തിരുന്ന സുമിൻഷാദ് അമിത വേഗത്തിലെത്തി ഓട്ടോറിക്ഷ ഇടിച്ച് തെറിപ്പിക്കുകയായിരുന്നു. ഇരുവരുടെയും മൊഴിയും സിസിടിവി ദൃശ്യങ്ങളും അടക്കമുള്ള തെളിവുകളുടെ അടിസ്ഥാനത്തിലാണ് അപകടം കരുതിക്കൂട്ടിയുള്ള കൊലപാതകമാണെന്ന് വ്യക്തമായത്.

ബിജെപി പ്രവർത്തകന്റെ മരണത്തിൽ സമഗ്ര അന്വേഷണം വേണമെന്ന് ഡിവൈഎഫ്ഐ

Story Highlights: Family alleges more people involved in Wayanad auto driver’s murder

ബിജെപി പ്രവർത്തകന്റെ മരണത്തിൽ സമഗ്ര അന്വേഷണം വേണമെന്ന് ഡിവൈഎഫ്ഐ