Vizhinjam Port to Welcome First Container Ship Tomorrow

വിഴിഞ്ഞം അന്താരാഷ്ട്ര തുറമുഖത്തിന്റെ ചരിത്രത്തിൽ പുതിയ അധ്യായം തുടങ്ങുകയാണ്. നാളെ രാവിലെ ആറുമണിയോടെ ഡാനിഷ് ചരക്ക് കപ്പലായ സാൻ ഫെർണാണ്ടോ തുറമുഖത്തെ ബർത്തിൽ അടുക്കും. ഇന്ന് അർധരാത്രിയോടെ കപ്പൽ പുറംകടലിൽ എത്തുമെങ്കിലും, നാളെ രാവിലെയാകും ബർത്തിൽ അടുക്കുക.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വെള്ളിയാഴ്ച രാവിലെ 10 മണിക്ക് മുഖ്യമന്ത്രി പിണറായി വിജയന്റെ നേതൃത്വത്തിൽ കപ്പലിന് വൻ സ്വീകരണം നൽകും. മെർസ്കിന്റെ സാൻ ഫെർണാണ്ടോ കപ്പൽ 2000 കണ്ടൈനറുകളിലായി ചരക്കുകൾ കൊണ്ടുവരും. ടഗ് ബോട്ടുകൾ വാട്ടർ സല്യൂട്ട് നൽകി കപ്പലിനെ സ്വീകരിക്കും.

മുഖ്യമന്ത്രി, കേന്ദ്ര തുറമുഖ മന്ത്രി, അദാനി പോർട്ട് അധികൃതർ, വിസിൽ അധികൃതർ എന്നിവർ ചേർന്ന് കപ്പലിനെ സ്വാഗതം ചെയ്യും. തിരുവനന്തപുരം ജില്ലയിലെ എംപിമാരും എംഎൽഎമാരും ചടങ്ങിൽ പങ്കെടുക്കും. മുഖ്യമന്ത്രി പിണറായി വിജയൻ ട്രയൽ റണ്ണിന്റെ ഉദ്ഘാടനം നിർവഹിക്കും.

മെസ്സിയുടെ വരവ്: കലൂർ സ്റ്റേഡിയം നവീകരണത്തിൽ ജിസിഡിഎയോട് ചോദ്യങ്ങളുമായി ഹൈബി ഈഡൻ

കപ്പലിലുള്ള മുഴുവൻ ചരക്കും തുറമുഖത്ത് ഇറക്കിയ ശേഷം സാൻ ഫെർണാണ്ടോ അന്നുതന്നെ മടങ്ങും. തുടർന്ന് രണ്ട് ഫീഡർ കപ്പലുകൾ എത്തി ചരക്കുകൾ മറ്റ് തുറമുഖങ്ങളിലേക്ക് കൊണ്ടുപോകും. സെപ്റ്റംബർ വരെ നിരവധി മദർഷിപ്പുകളും ഫീഡർഷിപ്പുകളും ചരക്കുനീക്കത്തിനായി വിഴിഞ്ഞത്ത് എത്തുമെന്ന് പ്രതീക്ഷിക്കുന്നു.

ഇതോടെ വിഴിഞ്ഞം തുറമുഖത്തിന്റെ പ്രവർത്തനം പൂർണതോതിൽ ആരംഭിക്കുകയാണ്.

സംസ്ഥാനത്ത് വീണ്ടും അമീബിക് മസ്തിഷ്ക ജ്വര മരണം; ഈ മാസം റിപ്പോർട്ട് ചെയ്തത് മൂന്ന് മരണങ്ങൾ