Beedi trade in Viyyur jail: Prison officer arrested

വിയ്യൂർ അതീവ സുരക്ഷാ ജയിലിൽ ബീഡി വിൽപ്പന നടത്തിയ ജയിൽ ജീവനക്കാരനെ അറസ്റ്റ് ചെയ്തു. തടവുകാർക്ക് ബീഡി കൈമാറാൻ ശ്രമിച്ച അസിസ്റ്റന്റ് പ്രിസൺ ഓഫീസർ ഷംസുദ്ദീൻ കെപിയാണ് പിടിയിലായത്. ജയിലിലെ മെസ്സിൽ ജോലി ചെയ്യുന്ന തടവുകാർക്ക് കൈമാറാനാണ് ബീഡി എത്തിച്ചതെന്ന് പോലീസ് പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തീവ്രവാദ കേസുകളിലെ പ്രതികളടക്കം പാർപ്പിക്കുന്ന വിയ്യൂർ ജയിലിലെ സുരക്ഷാ വീഴ്ചയാണ് ഈ സംഭവത്തിലൂടെ വെളിപ്പെടുന്നത്. ജയിൽ സൂപ്രണ്ടിന്റെ നേതൃത്വത്തിലുള്ള സംഘം നടത്തിയ പരിശോധനയിലാണ് ഷംസുദ്ദീൻ പിടിയിലായത്. ജീവനക്കാരുടെ വിശ്രമമുറിയിൽ നടത്തിയ പരിശോധനയിലാണ് പട്ടാമ്പി സ്വദേശിയായ ഷംസുദ്ദീനിൽ നിന്ന് ബീഡി കണ്ടെടുത്തത്.

ഷംസുദ്ദീന്റെ ബാഗിൽ നിന്ന് രണ്ട് പാക്കറ്റ് ബീഡിയും അഞ്ച് പാക്കറ്റ് ബീഡി സോക്സിൽ പൊതിഞ്ഞ നിലയിലും അഞ്ച് പാക്കറ്റ് ബീഡി കിടക്കക്ക് അടിയിൽ ഒളിപ്പിച്ച നിലയിലുമാണ് കണ്ടെത്തിയത്. ഷംസുദ്ദീനെതിരെ നേരത്തെയും അച്ചടക്ക നടപടി സ്വീകരിച്ചിട്ടുണ്ട്. വിയ്യൂർ സബ് ജയിലിൽ ജീവനക്കാരനായിരിക്കെ അരി മറിച്ച് വിറ്റതിനാണ് നടപടി നേരിട്ടത്.

രാഹുൽ വിഷയത്തിൽ പ്രതികരണവുമായി കെ.സി. വേണുഗോപാൽ

ഇരുപത് ചെറിയ പാക്കറ്റ് ബീഡിക്ക് 4000 രൂപ വരെ ഈടാക്കിയിരുന്നതായി തടവുകാർ മൊഴി നൽകിയിട്ടുണ്ട്. ജയിലിൽ ബീഡി നൽകുകയും പുറത്തുവെച്ച് പണം തടവുകാരുടെ ബന്ധുക്കളിൽ നിന്ന് വാങ്ങുകയുമായിരുന്നു ഷംസുദ്ദീന്റെ രീതി. ജയിലിന്റെ പ്രവേശന കവാടത്തിൽ ഉദ്യോഗസ്ഥരെ കാര്യമായി പരിശോധിക്കാത്തതാണ് ഇത്തരം ലഹരി കച്ചവടത്തിന് വഴിയൊരുക്കുന്നതെന്നും ആരോപണമുണ്ട്.

തടവുകാർ ഉന്നത ഉദ്യോഗസ്ഥർക്ക് നൽകിയ മൊഴിയിലാണ് ഈ വിവരങ്ങൾ പുറത്തുവന്നത്. പിടിയിലായ ഷംസുദ്ദീനെ വിയ്യൂർ പോലീസിന് കൈമാറി. പോലീസ് പ്രതിയെ അറസ്റ്റ് ചെയ്തു.

രാഹുൽ മാങ്കൂട്ടത്തിലിന്റെ അറസ്റ്റ് ഹൈക്കോടതി തടഞ്ഞു; പരാതി രാഷ്ട്രീയപ്രേരിതമെന്ന് രാഹുൽ

Story Highlights: Prison officer arrested for selling beedi in high-security Viyyur jail.

വിയ്യൂർ ജയിലിൽ തടവുകാരെ മർദ്ദിച്ചെന്ന് പരാതി; ജയിൽ അധികൃതരുടെ വാദം പൊളിയുന്നു