Vivo X200 FE launching in India in July: Price, Specs & Features

ചെറിയ ഫ്ലാഗ്ഷിപ്പ് ഫോണിനായി കാത്തിരിക്കുന്ന ഇന്ത്യക്കാർക്ക് സന്തോഷവാർത്ത. വിവോ എക്സ് 200 മിനി ചൈനയിൽ മാത്രം ഒതുങ്ങിയപ്പോൾ, പ്രതീക്ഷകൾ അസ്ഥാനത്തായി. എന്നാൽ ഇപ്പോൾ, വിവോ ആരാധകർക്കായി ഒരു പുതിയ കോംപാക്ട് ഫ്ലാഗ്ഷിപ്പ് പുറത്തിറക്കാൻ ഒരുങ്ങുകയാണ്. ജൂലൈയിൽ വിവോ X200 എഫ്ഇ എന്ന പേരിൽ ഈ ഫോൺ ഇന്ത്യൻ വിപണിയിൽ എത്തും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പുതിയ റിപ്പോർട്ടുകൾ അനുസരിച്ച് വിവോ X200 എഫ്ഇയിൽ 120 Hz റീഫ്രഷ് റേറ്റുള്ള 6.31 ഇഞ്ച് കുഞ്ഞൻ 1.5 കെ റെസല്യൂഷൻ ഒഎൽഇഡി ഡിസ്പ്ലേ ഉണ്ടാകും. ഈ ഫോണിന്റെ പ്രധാന ആകർഷണം അതിന്റെ ക്യാമറയാണ്. മറ്റ് X200 മോഡലുകളെപ്പോലെ IP68, IP69 റേറ്റിംഗും ഇതിനുണ്ടാകും.

ഈ കുഞ്ഞൻ ഫോണിന് കരുത്ത് പകരുന്നത് മീഡിയടെക്കിന്റെ ഡൈമെൻസിറ്റി 9300+ അല്ലെങ്കിൽ ഡൈമെൻസിറ്റി 9400e ചിപ്സെറ്റ് ആയിരിക്കും. 90W ഫാസ്റ്റ് ചാർജിങ് പിന്തുണയുള്ള 6500 എംഎഎച്ച് ബാറ്ററിയാണ് ഇതിൽ ഉപയോഗിക്കുന്നത്. 12 ജിബി റാമും 256 ജിബി സ്റ്റോറേജുമുള്ള അടിസ്ഥാന മോഡലായിരിക്കും വിപണിയിൽ എത്തുക.

എക്സ് 200 സീരീസിലെ ക്യാമറകൾ ഏറെ ശ്രദ്ധേയമാണ്. 50 മെഗാപിക്സൽ സോണി IMX921 പ്രൈമറി സെൻസർ, 8 മെഗാപിക്സൽ അൾട്രാ-വൈഡ് ആംഗിൾ ലെൻസ്, 50 മെഗാപിക്സൽ സോണി IMX882 3x ടെലിഫോട്ടോ സെൻസർ എന്നിവയുള്ള ട്രിപ്പിൾ റിയർ ക്യാമറ ഇതിനുണ്ട്. സെൽഫികൾക്കും വീഡിയോ കോളുകൾക്കുമായി 50 മെഗാപിക്സൽ ഫ്രണ്ട് ക്യാമറയും നൽകിയിട്ടുണ്ട്.

ഐക്യൂ Z10 ടർബോ, Z10 ടർബോ പ്രോ സ്മാർട്ട്ഫോണുകൾ ചൈനയിൽ ലോഞ്ച് ചെയ്തു

വിവോ X200 എഫ്ഇയുടെ വില ഏകദേശം 50,000 രൂപ മുതൽ 60,000 രൂപ വരെ പ്രതീക്ഷിക്കാം. ഭാരം ഏകദേശം 200 ഗ്രാമോളം ഉണ്ടാകും. വിവോയുടെ ഈ പുതിയ നീക്കം കോംപാക്ട് ഫ്ലാഗ്ഷിപ്പ് കാത്തിരിക്കുന്നവർക്ക് ഒരു സന്തോഷവാർത്തയാണ്.

വൺപ്ലസ് 13 എസ് ഇന്ത്യയിൽ അവതരിപ്പിച്ചതിന് പിന്നാലെയാണ് വിവോയുടെ ഈ നീക്കം എന്നതും ശ്രദ്ധേയമാണ്.

Story Highlights: വിവോ X200 എഫ്ഇ ജൂലൈയിൽ ഇന്ത്യയിൽ അവതരിപ്പിക്കാൻ സാധ്യത, 6.31 ഇഞ്ച് ഡിസ്പ്ലേയും 50MP ക്യാമറയുമുള്ള കോംപാക്ട് ഫ്ലാഗ്ഷിപ്പ് ഫോണാണിത്.

റിയൽമി ജിടി 7 സീരീസ് ഈ മാസം 27-ന് വിപണിയിൽ; കരുത്തൻ ചിപ്സെറ്റും 7500mAh ബാറ്ററിയും