ഹരിയാനയിലെ ജുലാന മണ്ഡലത്തിൽ നടക്കുന്ന വോട്ടെണ്ണലിൽ കോൺഗ്രസ് സ്ഥാനാർത്ഥി വിനേഷ് ഫോഗട്ട് വീണ്ടും മുന്നിലെത്തി. നിലവിൽ 4130 വോട്ടുകളുടെ ലീഡാണ് വിനേഷിനുള്ളത്. വോട്ടെണ്ണൽ ആരംഭിച്ചപ്പോൾ മുന്നിലായിരുന്ന വിനേഷ് പിന്നീട് പിന്നിലായിരുന്നെങ്കിലും വീണ്ടും ലീഡ് നില ഉയർത്തുകയായിരുന്നു.
മുൻ ആർമി ക്യാപ്റ്റൻ യോഗേഷ് ബൈരാഗിയാണ് ജുലാന സീറ്റിൽ വിനേഷിന്റെ എതിരാളി. തെരഞ്ഞെടുപ്പ് ഗോദയിൽ വിനേഷ് അന്തിമ വിജയം നേടുമോ എന്നതാണ് ഇനി അറിയാനുള്ളത്. റെയിൽവേയിലെ ജോലി രാജിവച്ച ശേഷമാണ് വിനേഷ് കോൺഗ്രസിൽ ചേർന്നത്.
പാരീസ് ഒളിംപിക്സ് ഗുസ്തിയിൽ ഫൈനലിലെത്തിയ വിനേഷ് അമിത ഭാരത്തിന്റെ പേരിൽ അയോഗ്യയാക്കപ്പെട്ടിരുന്നു. പിന്നീട് മടങ്ങിയെത്തിയ വിനേഷ് കോൺഗ്രസിൽ അംഗത്വമെടുത്തു. ബജ്റംഗ് പൂനിയയും കോൺഗ്രസിലെത്തിയതിന് പിന്നാലെയാണ് ജുലാനയിൽ വിനേഷിനെ കോൺഗ്രസ് സ്ഥാനാർത്ഥിയായി പ്രഖ്യാപിച്ചത്.
Story Highlights: Congress candidate Vinesh Phogat regains lead in Haryana’s Julana constituency
