Veteran Malayalam Actor T P Madhavan Passes Away at 86

നടൻ ടി പി മാധവൻ 86-ാം വയസ്സിൽ അന്തരിച്ചു. കൊല്ലത്തെ സ്വകാര്യ ആശുപത്രിയിലായിരുന്നു അന്ത്യം. കുടൽ സംബന്ധമായ രോഗങ്ങളെ തുടർന്നാണ് അദ്ദേഹം ആശുപത്രിയിൽ പ്രവേശിപ്പിക്കപ്പെട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വാർധക്യസഹജമായ രോഗങ്ങൾ കാരണം ഏറെ നാളായി ചികിത്സയിലായിരുന്നു. താരസംഘടനയായ ‘അമ്മ’യുടെ സ്ഥാപക ജനറൽ സെക്രട്ടറി കൂടിയായിരുന്നു അദ്ദേഹം. കഴിഞ്ഞ എട്ട് വർഷമായി പത്തനാപുരം ഗാന്ധിഭവനിൽ അന്തേവാസിയായിരുന്നു ടി പി മാധവൻ.

2015-ലെ ഹരിദ്വാർ യാത്രയ്ക്കിടെ ഉണ്ടായ പക്ഷാഘാതത്തെ തുടർന്നുള്ള ചികിത്സയ്ക്ക് ശേഷമാണ് അദ്ദേഹം ഗാന്ധി ഭവനിൽ വിശ്രമജീവിതത്തിനെത്തിയത്. തിരുവനന്തപുരത്ത് ഒരു ലോഡ്ജ് മുറിയിൽ അവശനായി കഴിഞ്ഞിരുന്ന മാധവനെ ചില സഹപ്രവർത്തകരാണ് ഗാന്ധിഭവനിലെത്തിച്ചത്. ഗാന്ധി ഭവനിലെത്തിയ ശേഷം ആരോഗ്യം മെച്ചപ്പെട്ട സമയത്ത് ചില സീരിയലുകളിലും സിനിമകളിലും അദ്ദേഹം അഭിനയിച്ചിരുന്നു.

എന്നാൽ പിന്നീട് മറവി രോഗം ബാധിച്ചു. തിരുവനന്തപുരം വഴുതക്കാട് സ്വദേശിയായ ടി പി മാധവൻ പ്രശസ്ത അധ്യാപകൻ പ്രഫ. എൻ പി പിള്ളയുടെ മകനാണ്.

ലോക 2വിൽ മമ്മൂട്ടി എത്തുമോ? കാത്തിരിപ്പുമായി സിനിമാപ്രേമികൾ

നടൻ മധുവാണ് മാധവന് സിനിമയിൽ അവസരം നൽകിയത്. 600-ൽ അധികം സിനിമകളിലും ടെലി സീരിയലുകളിലും അഭിനയിച്ചിട്ടുണ്ട്. സിനിമാ രംഗത്തെ സംഭാവനകൾക്ക് പുറമേ, താരസംഘടനയായ ‘അമ്മ’യുടെ സ്ഥാപക ജനറൽ സെക്രട്ടറി എന്ന നിലയിലും അദ്ദേഹം പ്രശസ്തനായിരുന്നു.

Story Highlights: Veteran Malayalam actor T P Madhavan passes away at 86 in Kollam hospital

മമ്മൂട്ടി കമ്പനിയുടെ ആദ്യ ഹ്രസ്വചിത്രം ‘ആരോ’ യൂട്യൂബിൽ റിലീസ് ചെയ്തു