വെഞ്ഞാറമൂട് കൂട്ടക്കൊലക്കേസില് നിര്ണായകമായ സിസിടിവി ദൃശ്യങ്ങള് പുറത്ത്. പെണ്സുഹൃത്ത് ഫര്സാനയെ കൊലപ്പെടുത്താനായി സഹോദരന് അഫ്സാനെ വീട്ടില് നിന്നും മാറ്റിയതാണെന്ന സംശയത്തിലാണ് പൊലീസ്. ഭക്ഷണം വാങ്ങാന് അയച്ചത് മുന്കൂട്ടി തയ്യാറാക്കിയ പ്ലാനെന്നും സംശയമുണ്ട്. കൊലപാതകത്തിന് തൊട്ടുമുന്പുള്ള അഫ്സാന്റെ ദൃശ്യങ്ങളാണ് ലഭിച്ചത്. വെഞ്ഞാറമ്മൂട്ടിലെ ‘സഹര് അല് മന്ദി’ എന്ന കടയില് ഭക്ഷണം വാങ്ങാന് എത്തുന്ന ദൃശ്യങ്ങളാണ് പുറത്ത് വന്നത്. ഇന്നലെ വൈകിട്ട് നാല് മണിക്ക് ഓട്ടോറിക്ഷയില് ഭക്ഷണം വാങ്ങാന് അഫ്സാന് എത്തി.
ഭക്ഷണം വാങ്ങിയ ശേഷം അരമണിക്കൂറോളം കാത്ത് നില്ക്കുന്നതും ദൃശ്യങ്ങളില് കാണാം. ശേഷം റോഡ് മുറിച്ചു കടന്ന് വെഞ്ഞാറമ്മൂട് ഭാഗത്തേക്ക് നടന്നു പോയി. കൊലപാതകം നടന്ന് 24 മണിക്കൂര് പിന്നിട്ടിട്ടും ഓട്ടോ ഡ്രൈവര് ശ്രീജിത്തിന് ഞെട്ടല് വിട്ടുമാറിയിട്ടില്ല. വൈകിട്ട് നാലു മണിക്കും 5. 30നും ഇടയിലാണ് അഫ്സാന്റെയും ഫര്സാനയുടെയും കൊലപാതകം നടക്കുന്നത്. വീട്ടില് നിന്ന് സഹോദരനെ മാറ്റുന്നത് അഫ്സാന്റെ പ്ലാനായിരുന്നുവെന്നാണ് പൊലീസ് കരുതുന്നത്.
പേരുമലയിലെ വീട്ടില് നിന്നും പേരുമല ജങ്ഷന് വരെ അഫ്സാന്, അഫ്സാനെ ബൈക്കില് കൊണ്ടുവരുന്നു. അവിടെ വച്ച് ഓട്ടോറിക്ഷയില് കയറ്റി ഭക്ഷണം വാങ്ങാനായി വെഞ്ഞാറമൂടുള്ള കടയിലേക്ക് വിടുന്നു. അഫ്സാനെ പറഞ്ഞു വിട്ടതിന് ശേഷമാകാം ഫര്സാനയെ കൊലപ്പെടുത്തിയത് എന്നാണ് പൊലീസ് കരുതുന്നത്. പിന്നീട് മടങ്ങിയെത്തിയതിന് ശേഷം കുട്ടിയെയും കൊലപ്പെടുത്തി. കൊലയ്ക്ക് ശേഷം അഫ്സാന് പൊലീസ് സ്റ്റേഷനില് കീഴടങ്ങാനായി പോയത് ഓട്ടോറിക്ഷയിലാണ്. കൊലപാതകങ്ങള്ക്ക് ശേഷം ഒരു കൂസലുമില്ലാതെ തന്നെ അറിയുന്ന ശ്രീജിത്തിന്റെ ഓട്ടോയില് അഫ്സാന് പൊലീസ് സ്റ്റേഷനിലെത്തി.
ഫോണ് നോക്കിയിരിക്കുകയായിരുന്ന അഫ്സാന് മദ്യത്തിന്റെ മണം ഉണ്ടായിരുന്നുവെന്നും ഓട്ടോറിക്ഷ ഡ്രൈവര് ശ്രീജിത്ത് പറഞ്ഞു. നന്നായി അറിയുന്ന അഫ്സാന് അഞ്ച് പേരെ കൊന്നെന്ന് വിശ്വസിക്കാനാവുന്നില്ലെന്നും ശ്രീജിത്ത് പറയുന്നു. രണ്ട് തവണയാണ് ഇന്നലെ അഫ്സാന്, ശ്രീജിത്തിന്റെ ഓട്ടോ വിളിച്ചത്. വൈകിട്ട് ആദ്യം അനുജന് അഫ്സാനെ വെഞ്ഞാറമൂട് സഹര് അല് മന്ദി കടയിലേക്ക് കൊണ്ടുപോകണമെന്ന് ആവശ്യപ്പെട്ട് വിളിച്ചുവെന്നും ശ്രീജിത്ത് പറയുന്നു. പിന്നീട്, വൈകുന്നേരം ആറുമണി കഴിഞ്ഞപ്പോള് വീണ്ടും വിളിച്ചു. ബൈക്ക് കേടായെന്നും പൊലീസ് സ്റ്റേഷന് സമീപത്തെ വര്ക്ക് ഷോപ്പില് എത്തിക്കണമെന്നും ആവശ്യപ്പെട്ടു.
യാത്രയില് യാതൊരു ഭാവഭേദവും ഉണ്ടായിരുന്നില്ലെന്ന് ശ്രീജിത്ത് വ്യക്തമാക്കി. അഫ്സാനെ പൊലീസ് സ്റ്റേഷനില് ഇറക്കി തൊട്ടുപിന്നാലെ സ്റ്റേഷനില് നിന്ന് വിളിയെത്തി. ഫോണ് കട്ട് ചെയ്യാതെ അഫ്സാന്റെ വീട്ടിലെത്തിയപ്പോഴാണ് കൂട്ടക്കൊലയുടെ വിവരങ്ങള് ശ്രീജിത്ത് അറിഞ്ഞത്. കൂട്ടക്കൊലയ്ക്ക് മുന്പ് സഹോദരനെ ഭക്ഷണം വാങ്ങാന് അയച്ചത് മുന്കൂട്ടി തയ്യാറാക്കിയ പ്ലാനായിരുന്നുവെന്നും സംശയമുണ്ട്.
Story Highlights: CCTV footage reveals Afsan’s movements before the Venjaramood murders.
ലഖ്നൗവിൽ കാമുകിയെ ശീതള പാനീയത്തിൽ വിഷം കലർത്തി കൊലപ്പെടുത്തി. ലളിത്പൂരിൽ വെച്ച് ലിവ് Read more
വയനാട് സുൽത്താൻ ബത്തേരി സ്വദേശി ഹേമചന്ദ്രന്റെ മരണത്തിൽ പോസ്റ്റ്മോർട്ടം റിപ്പോർട്ട് പുറത്ത് വന്നു. Read more
തെലങ്കാനയിലെ മലക്പേട്ടിൽ സി.പി.ഐ നേതാവ് ചന്തു റാത്തോഡ് വെടിയേറ്റ് മരിച്ചു. ഷാലിവാഹന നഗർ Read more
ആലുവയിൽ വെളിയത്തുനാട് സ്വദേശിയായ സാജൻ കുത്തേറ്റ് മരിച്ചു. കോഴിക്കോട് സ്വദേശി അഷറഫാണ് സാജനെ Read more
തൃശ്ശൂർ വെള്ളാങ്കല്ലൂരിൽ ചൊവ്വാഴ്ച ഉച്ചയ്ക്ക് 2 മണിയോടെ വയോധികനെ കല്ലുകൊണ്ട് തലക്കടിച്ച് കൊലപ്പെടുത്തി. Read more
ബെംഗളൂരുവിൽ കാമുകനുമായുള്ള ബന്ധം അവസാനിപ്പിക്കാൻ തീരുമാനിച്ച യുവതി ഒയോ ഹോട്ടൽ മുറിയിൽ കുത്തേറ്റ് Read more
തൃശ്ശൂർ വരന്തരപ്പള്ളിയിൽ ഭർത്താവ് ഭാര്യയെ കൊലപ്പെടുത്തി. 34 വയസ്സുള്ള ദിവ്യയാണ് കൊല്ലപ്പെട്ടത്. ഭാര്യ Read more
ബെംഗളൂരു ആനേക്കലിൽ ഭാര്യയെ കൊലപ്പെടുത്തി ഭർത്താവ് പൊലീസ് സ്റ്റേഷനിൽ കീഴടങ്ങി. 26 വയസ്സുള്ള Read more
നിലമ്പൂരില് തുവ്വൂര് കൃഷിഭവനിലെ താല്ക്കാലിക ജീവനക്കാരി സുജിതയെ കൊലപ്പെടുത്തി കുഴിച്ചുമൂടിയ സംഭവം രാഷ്ട്രീയ Read more
എറണാകുളം ജില്ലയിലെ മുനമ്പം പള്ളിപ്പുറത്ത് ഭാര്യയെ ഭർത്താവ് വെട്ടിക്കൊലപ്പെടുത്തി. സംഭവത്തിന് ശേഷം പ്രതിയായ Read more
