നർക്കോട്ടിക് ജിഹാദുമായി ബന്ധപ്പെട്ട വിവാദങ്ങൾ അവസാനിപ്പിക്കാൻ സർക്കാർ ഇടപെടൽ ഉണ്ടാകണമെന്ന് പ്രതിപക്ഷനേതാവ് വി ഡി സതീശൻ. മതപരമായ വിഷയങ്ങൾ കൂടുതൽ തർക്കങ്ങൾക്ക് ഇടയാക്കുമെന്നും അന്താരാഷ്ട്ര തലത്തിലേക്ക് ചിന്തിക്കേണ്ടതില്ലെന്നും അദ്ദേഹം പറഞ്ഞു.
കേരളത്തിലെ അന്തരീക്ഷം കൂടുതൽ സൗഹാർദപരമാണ്. എല്ലാ മതവിഭാഗക്കാരെയും ഒരു സ്ഥലത്ത് കാണാൻ കഴിയും. എല്ലാ മതക്കാരും ഇടകലർന്ന് ജീവിക്കുന്ന സമൂഹമാണ് നമ്മുടേത്. എന്നാൽ സംഘർഷമുണ്ടാക്കാനാണ് ചില ആളുകളുടെ ശ്രമം. കാര്യങ്ങൾ സംഘർഷത്തിൽ എത്തിയാൽ തിരിച്ചെത്താൻ ബുദ്ധിമുട്ടാകും. അതിനാൽ ഇത്തരക്കാരുടെ കെണിയിൽപെടരുതെന്നും വിഡി സതീശൻ മുന്നറിയിപ്പുനൽകി.
കോൺഗ്രസ് ആരെയും മോശം പറയുകയല്ലെന്നും ബിഷപ്പ് പറഞ്ഞതല്ല പ്രശ്നമെന്നും അദ്ദേഹം പറഞ്ഞു. ബിഷപ്പ് പറഞ്ഞതിനെ വളച്ചൊടിച്ച് ആയുധമാക്കുകയാണ് ചിലരുടെ അജണ്ട എന്നും വിഡി സതീശൻ വ്യക്തമാക്കി.
Story Highlights: VD Satheesan about Narcotic Jihad.
