VD Sateesan Criticizes CM Over Thrissur Pooram Controversy

തൃശൂർ പൂരം വിവാദത്തിൽ മുഖ്യമന്ത്രിയെ വീണ്ടും വിമർശിച്ച് പ്രതിപക്ഷ നേതാവ് വി. ഡി. സതീശൻ രംഗത്തെത്തി. എഡിജിപിയുടെ അന്വേഷണ റിപ്പോർട്ട് തള്ളിയതിന് പിന്നാലെയാണ് സതീശൻ വിമർശനവുമായി എത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എഡിജിപിയുടെ അന്വേഷണം പ്രഹസനമാണെന്ന് നേരത്തെ തങ്ങൾ പറഞ്ഞിരുന്നതാണെന്ന് അദ്ദേഹം ചൂണ്ടിക്കാട്ടി. പൂരം അലങ്കോലപ്പെടുത്തിയതിൽ ജുഡീഷ്യൽ അന്വേഷണം തന്നെ വേണമെന്നും സതീശൻ ആവശ്യപ്പെട്ടു. എത്ര അന്വേഷണമാണ് എഡിജിപിക്കെതിരെ ഉള്ളതെന്നും എന്നിട്ടും മുഖ്യമന്ത്രി എഡിജിപിയെ സംരക്ഷിക്കുന്നുവെന്നും വി. ഡി.

സതീശൻ കുറ്റപ്പെടുത്തി. തൽസ്ഥാനത്ത് തുടർന്നിട്ട് എന്ത് അന്വേഷണം, എന്ത് കരുതലാണ് മുഖ്യമന്ത്രിക്കെന്ന് അദ്ദേഹം പരിഹസിച്ചു. ആർഎസ്എസ് നേതാക്കളെ കണ്ടതും പൂരം കലക്കിയതുമെല്ലാം മുഖ്യമന്ത്രിയുടെ അറിവോടെയാണെന്നും സതീശൻ ആരോപിച്ചു. ഡിജിപി പറഞ്ഞാൽ എഡിജിപി കേൾക്കില്ലെന്നും ഒരുകാലത്തും ഇല്ലാത്ത പ്രതിസന്ധിയിലാണ് പൊലീസെന്നും പ്രതിപക്ഷ നേതാവ് പറഞ്ഞു.

അതേസമയം, തൃശൂർ പൂരം അലങ്കോലപ്പെടുത്തലിൽ എഡിജിപി എം. ആർ. അജിത് കുമാർ സമർപ്പിച്ച റിപ്പോർട്ട് സർക്കാർ തള്ളിയിരുന്നു. വീണ്ടും അന്വേഷണം വേണമെന്ന് ആഭ്യന്തര സെക്രട്ടറി ആവശ്യപ്പെട്ടതോടൊപ്പം, എഡിജിപിക്കെതിരെയും അന്വേഷണം വേണമെന്ന ശുപാർശയും നൽകിയിരുന്നു.

അയ്യപ്പന്റെ മുതൽ കൊള്ളയടിച്ചവർക്കെതിരെയുള്ള പോരാട്ടമെന്ന് വി ഡി സതീശൻ

Story Highlights: Opposition leader VD Sateesan criticizes CM Pinarayi Vijayan over Thrissur Pooram controversy and ADGP investigation report.

യൂത്ത് കോൺഗ്രസ് അധ്യക്ഷസ്ഥാനം; ഐ ഗ്രൂപ്പിൽ അതൃപ്തി, അബിൻ വർക്കി നാളെ മാധ്യമങ്ങളെ കാണും