കുട്ടികൾക്കെതിരെ ലൈംഗിക അതിക്രമം കാട്ടുന്ന പുരോഹിതരെ വേഗത്തിൽ നീക്കം ചെയ്യാൻ കഴിയണമെന്ന് വത്തിക്കാൻ കമ്മിഷൻ ആവശ്യപ്പെട്ടു. 2014-ൽ ഫ്രാൻസിസ് മാർപാപ്പ രൂപം നൽകിയ കുട്ടികളുടെ അവകാശ സംരക്ഷണ കമ്മിഷന്റെ ആദ്യ റിപ്പോർട്ടിലാണ് ഈ നിർദേശം ഉൾപ്പെടുത്തിയിരിക്കുന്നത്. യുഎസ് കർദിനാൾ സീൻ ഒ മാലിയുടെ നേതൃത്വത്തിൽ, ലൈംഗിക അതിക്രമങ്ങളെ അതിജീവിച്ച നിരവധി പേരുമായി സംസാരിച്ച് ഒരു പതിറ്റാണ്ടോളം നീണ്ട അന്വേഷണത്തിനൊടുവിലാണ് റിപ്പോർട്ട് തയ്യാറാക്കിയത്.
ഇത്തരം കാര്യങ്ങളിൽ വീഴ്ച വരുത്തിയ ഇരുണ്ട കാലഘട്ടം അകലുകയാണെന്നും കമ്മിഷൻ വ്യക്തമാക്കി. അതിജീവിതർക്ക് കരുത്തും കരുതലും നൽകി ഇരുട്ടിലേക്ക് വെളിച്ചം വിതറുമെന്ന് കമ്മിഷൻ പ്രഖ്യാപിച്ചു. കുട്ടികൾക്കെതിരായ ലൈംഗിക അതിക്രമങ്ങൾ തടയുന്നതിനുള്ള നയങ്ങളും നടപടിക്രമങ്ങളും ചട്ടങ്ങളും വിശദീകരിച്ചുകൊണ്ടാണ് 50 പേജുള്ള റിപ്പോർട്ട് തയാറാക്കിയിരിക്കുന്നത്.
സഭയുമായി ബന്ധപ്പെട്ട ലൈംഗിക പീഡന പരാതികൾ ആഗോളതലത്തിൽ ചർച്ചയായപ്പോൾ നടപടി സ്വീകരിക്കാത്തതിനെതിരെ കമ്മിഷൻ നിരവധി വിമർശനങ്ങളും നേരിട്ടിരുന്നു. ലൈംഗിക പീഡന പരാതികൾ ഉന്നയിക്കാനും നടപടിയെടുക്കാനും വിവിധ പ്രദേശങ്ങളിലുള്ള വെല്ലുവിളികളും റിപ്പോർട്ടിൽ അടിവരയിടുന്നുണ്ട്. മെക്സികോ, ബെൽജിയം തുടങ്ങിയ രാജ്യങ്ങളിൽ ലൈംഗിക പീഡന പരാതികൾ അധികൃതരോട് റിപ്പോർട്ട് ചെയ്യാൻ അതിജീവിതർ ബുദ്ധിമുട്ട് നേരിടുന്നുണ്ടെന്ന് കമ്മിഷൻ കണ്ടെത്തി.
അതിജീവിതരുടെ അന്തസിനേക്കാൾ പള്ളിയുടെയോ സഭയുടെയോ അന്തസ് കണക്കാക്കുന്ന രീതിയും വലിയ വെല്ലുവിളിയാണെന്ന് റിപ്പോർട്ടിൽ ചൂണ്ടിക്കാട്ടുന്നു. ലൈംഗിക പീഡനത്തിന്റെ വ്യാപ്തിയേക്കാൾ നയപരമായി വിഷയത്തിൽ എന്ത് ചെയ്യാനാകുമെന്നാണ് റിപ്പോർട്ടിലൂടെ ലക്ഷ്യമിടുന്നതെന്ന് സീൻ ഒ മാലി വ്യക്തമാക്കി.
Story Highlights: Vatican commission urges faster action against abusive priests in first report on child protection
തലശ്ശേരി അതിരൂപത ആർച്ച് ബിഷപ്പ് മാർ ജോസഫ് പാംപ്ലാനിക്കെതിരെ സി.പി.ഐ.എം സംസ്ഥാന സെക്രട്ടറി Read more
ഛത്തീസ്ഗഢിൽ കന്യാസ്ത്രീകളെ അറസ്റ്റ് ചെയ്തതിൽ പ്രതിഷേധിച്ച് ഇരിങ്ങാലക്കുട രൂപതയുടെ പള്ളികളിൽ ഇടയലേഖനം വായിച്ചു. Read more
കന്യാസ്ത്രീകൾക്കെതിരായ കേസ് റദ്ദാക്കുന്നതുമായി ബന്ധപ്പെട്ട് കത്തോലിക്ക സഭയുടെ തീരുമാനം വിശദമായ കൂടിയാലോചനകൾക്ക് ശേഷം Read more
ഗസ്സയിലെ കത്തോലിക്ക പള്ളിക്ക് നേരെയുണ്ടായ ഇസ്രായേൽ ആക്രമണത്തിൽ മൂന്ന് പേർ കൊല്ലപ്പെടുകയും ഒമ്പത് Read more
ബെംഗളൂരുവിൽ ഒമ്പതാം ക്ലാസ്സുകാരിയുടെ പരാതിയിൽ അമ്മയ്ക്കെതിരെ പോക്സോ കേസ്. വിവാഹശേഷം ഭർത്താവിനോട് എങ്ങനെ Read more
ഇടുക്കി ചേലച്ചുവട് സ്വദേശിയായ 68 വയസ്സുകാരൻ മാനസിക വെല്ലുവിളി നേരിടുന്ന യുവതിയെ പീഡിപ്പിച്ച Read more
തിരുവനന്തപുരം അതിവേഗ സ്പെഷ്യൽ കോടതിയാണ് കേസിൽ വിധി പറഞ്ഞത്. കൊല്ലം തുളസിമുക്ക് പ്ലാവിള Read more
ഹിമാചൽ പ്രദേശിലെ സിർമൗർ ജില്ലയിലെ ഒരു സർക്കാർ സ്കൂളിൽ 24 പെൺകുട്ടികളെ ലൈംഗികമായി Read more
കൊല്ലം, ആലപ്പുഴ ജില്ലകളിലെ ശിശു സംരക്ഷണ യൂണിറ്റുകളിലേക്ക് റിസോഴ്സ് പേഴ്സൺ, പ്രൊട്ടക്ഷൻ ഓഫീസർ, Read more
ലിയോ പതിനാലാമൻ മാർപാപ്പയായി സ്ഥാനമേറ്റു. വത്തിക്കാനിലെ സെന്റ് പീറ്റേഴ്സ് സ്ക്വയറിൽ നടന്ന ചടങ്ങിൽ Read more
