ഫ്ലവേഴ്സ് ടോപ് സിംഗർ സീസൺ ത്രീ വിജയി നിവേദിതയ്ക്ക് വർമ ഹോംസ് അൻപത് ലക്ഷം രൂപ വിലമതിക്കുന്ന ഫ്ലാറ്റ് സമ്മാനമായി നൽകി. വർമ്മ ഹോംസിന്റെ തിരുവാങ്കുളത്തുള്ള ബൊഗൈൻ പ്രോജക്ടിലെ ഫ്ലാറ്റാണ് കുട്ടിപ്പാട്ടുകാരിക്ക് കൈമാറിയത്. പനമ്പള്ളി നഗറിലെ വർമ്മ ഹോംസ് ഓഫീസിൽ നടന്ന ചടങ്ങിൽ കമ്പനി ഡയറക്ടർ ഡോക്ടർ മിനി വർമ്മയാണ് രെജിസ്ട്രേഷൻ ഡോക്യുമെന്റുകൾ കൈമാറിയത്.
ഫ്ലവേഴ്സ് ടോപ്പ് സിംഗറിന്റെ ഭാഗമാകാൻ കഴിഞ്ഞതിൽ വലിയ സന്തോഷമുണ്ടെന്ന് വർമ്മ ഹോംസ് ഡയറക്ടർ മിനി വർമ്മ പ്രതികരിച്ചു. നിവേദിതയും കുടുംബവും ഈ സമ്മാനത്തിൽ സന്തോഷം പങ്കുവെച്ചു. വലിയ സന്തോഷമാണെന്ന് അവർ പറഞ്ഞു.
ചടങ്ങിൽ വർമ്മ ഹോംസ് ഡയറക്ടർമാരായ അനിൽ വർമ്മ, ആരതി, വൈശാഖ് വർമ്മ എന്നിവരും പങ്കെടുത്തു. ഫ്ലാറ്റ് സമ്മാനമായി ലഭിച്ചതിൽ നിവേദിതയും കുടുംബവും സന്തോഷം പ്രകടിപ്പിച്ചു. ഈ സമ്മാനം അവരുടെ ജീവിതത്തിൽ വലിയ മാറ്റം കൊണ്ടുവരുമെന്ന് പ്രതീക്ഷിക്കുന്നു.
