Varkala Murder: Accused Shani Apprehended

വർക്കല പുല്ലാനിക്കോട് ഭാര്യാ സഹോദരനായ സുനിൽ ദത്തിനെ കൊലപ്പെടുത്തിയ കേസിലെ പ്രതി ഷാനി പിടിയിലായി. ഭാര്യ ഉഷാകുമാരിയുമായി അകന്ന് താമസിക്കുന്നതിനിടെയാണ് കുടുംബവീട്ടിൽ ഷാനി എത്തിയത്. രണ്ട് സുഹൃത്തുക്കൾക്കൊപ്പം എത്തിയ ഷാനി ഭാര്യയുമായി വഴക്കുണ്ടാക്കുകയും തുടർന്ന് സുനിൽ ദത്ത് ഇടപെടുകയുമായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ തർക്കം മൂർച്ഛിച്ചപ്പോൾ ഷാനി ഉഷയെയും സുനിൽ ദത്തിനെയും വെട്ടിപ്പരുക്കേൽപ്പിച്ചു. പരുക്കേറ്റ ഇരുവരെയും പാരിപ്പള്ളി മെഡിക്കൽ കോളജിൽ പ്രവേശിപ്പിച്ചെങ്കിലും സുനിൽ ദത്ത് മരണത്തിന് കീഴടങ്ങി. കൊലപാതകത്തിന് ശേഷം ഒളിവിൽ പോയ പ്രതിയെ പൊലീസ് അന്വേഷിച്ചുവരികയായിരുന്നു.

ഷാനിയുടെ അറസ്റ്റ് രേഖപ്പെടുത്തി കോടതിയിൽ ഹാജരാക്കുമെന്ന് പോലീസ് അറിയിച്ചു. കേസിലെ മറ്റൊരു പ്രതിയായ മനുവിനെ നേരത്തെ പൊലീസ് കസ്റ്റഡിയിൽ എടുത്തിരുന്നു. മനുവിന്റെ അറസ്റ്റും രേഖപ്പെടുത്തിയിട്ടുണ്ട്.

കുടുംബ പ്രശ്നങ്ങളാണ് ക്രൂരകൃത്യത്തിന് കാരണമെന്നാണ് പോലീസിന്റെ പ്രാഥമിക നിഗമനം. ഷാനിയും ഉഷയും കുറച്ചുനാളുകളായി അകന്ന് താമസിക്കുകയായിരുന്നു.

Story Highlights: The accused in the Varkala Pullanicode murder case, Shani, has been apprehended by police after allegedly killing his brother-in-law, Sunil Dutt.

വർക്കലയിൽ പ്രിൻ്റിംഗ് പ്രസ്സിൽ സാരി കുരുങ്ങി ജീവനക്കാരിക്ക് ദാരുണാന്ത്യം