Vaishna Suresh unable to contest election due to address error

**തിരുവനന്തപുരം◾:** തിരുവനന്തപുരം കോർപ്പറേഷൻ മുട്ടട ഡിവിഷനിലെ കോൺഗ്രസ് സ്ഥാനാർത്ഥി വൈഷ്ണ സുരേഷിന് വോട്ടർ പട്ടികയിൽ പേരില്ലാത്തതിനാൽ തിരഞ്ഞെടുപ്പിൽ മത്സരിക്കാൻ കഴിയില്ല. തിരഞ്ഞെടുപ്പ് കമ്മീഷന് തിരുത്തി നൽകിയ മേൽവിലാസത്തിലും പിഴവ് സംഭവിച്ചത് കോൺഗ്രസ് പാർട്ടിക്ക് തിരിച്ചടിയായിരിക്കുകയാണ്. കെട്ടിട നമ്പറിലെ പിഴവിനെ തുടർന്ന് വൈഷ്ണ നൽകിയ വിശദീകരണം തൃപ്തികരമല്ലാത്തതിനാൽ തിരഞ്ഞെടുപ്പ് കമ്മീഷൻ്റെ ഭാഗത്തുനിന്നും നടപടിയുണ്ടായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വൈഷ്ണ സുരേഷ് സമർപ്പിച്ച പുതിയ സത്യവാങ്മൂലത്തിലും മേൽവിലാസത്തിൽ തെറ്റ് കണ്ടെത്തി. TC 18/564 എന്ന കെട്ടിട നമ്പർ അബദ്ധത്തിൽ സംഭവിച്ചതാണെന്നായിരുന്നു ആദ്യ വിശദീകരണം. ബന്ധുവായ സന്ദീപിൻ്റെ New TC 18/ 2365- Old TC 3/564 നമ്പറിലുള്ള കെട്ടിടത്തിലാണ് താമസമെന്നും വൈഷ്ണ പുതിയ സത്യവാങ്മൂലത്തിൽ പറഞ്ഞിരുന്നു.

എന്നാൽ K SMART-ൽ നിന്നും ലഭിച്ച ബിൽഡിംഗ് സർട്ടിഫിക്കറ്റ് പ്രകാരം New TC 18/ 2365 എന്ന നമ്പറിലുള്ള കെട്ടിടത്തിൻ്റെ പഴയ നമ്പർ TC 3/566 ആണ്. ഇതോടെ വൈഷ്ണ നൽകിയ സത്യവാങ്മൂലത്തിലെ കെട്ടിട നമ്പറുകൾ തമ്മിൽ പൊരുത്തമില്ലെന്ന് തെളിഞ്ഞു. ഇലക്ഷൻ കമ്മീഷൻ്റെ സമയക്രമം അനുസരിച്ച് വൈഷ്ണയുടെ വിശദീകരണം നൽകേണ്ട അവസാന തീയതി 13 ആയിരുന്നു. 14-ന് അന്തിമ വോട്ടർ പട്ടിക പ്രസിദ്ധീകരിക്കുമെന്നും അറിയിച്ചിരുന്നു.

15-നാണ് വൈഷ്ണ സ്പീഡ് പോസ്റ്റ് വഴി തിരഞ്ഞെടുപ്പ് കമ്മീഷന് പുതിയ സത്യവാങ്മൂലം നൽകിയത്. ഈ സത്യവാങ്മൂലത്തിലാണ് വീണ്ടും പിഴവ് സംഭവിച്ചിരിക്കുന്നത്. കോർപ്പറേഷൻ പരിധിയിൽ എവിടെയെങ്കിലും വോട്ടുണ്ടെങ്കിലേ തിരഞ്ഞെടുപ്പിൽ മത്സരിക്കാൻ സാധിക്കുകയുള്ളൂ എന്നതാണ് നിയമം. അതിനാൽ വോട്ടർ പട്ടികയിൽ പേരില്ലാത്തതിനാൽ വൈഷ്ണയ്ക്ക് തിരഞ്ഞെടുപ്പിൽ മത്സരിക്കാൻ സാധിക്കാത്ത സാഹചര്യമാണുള്ളത്.

ശബരിമല സ്വർണക്കൊള്ള: പ്രതികളെ വീണ്ടും കസ്റ്റഡിയിൽ വാങ്ങാൻ എസ്ഐടി; ജാമ്യാപേക്ഷ നാളെ പരിഗണിക്കും

പ്രായ കുറഞ്ഞ സ്ഥാനാർത്ഥി എന്ന പേരിൽ കെ.എസ്.യു നേതാവ് വൈഷ്ണ സുരേഷിനെ മുട്ടട ഡിവിഷനിൽ സ്ഥാനാർത്ഥിയാക്കി കോൺഗ്രസ് പ്രചരണം ആരംഭിച്ചിരുന്നു. എന്നാൽ, വോട്ടർ പട്ടികയിൽ പേര് ചേർക്കാൻ നൽകിയ വിലാസം ശരിയല്ലെന്ന് കാണിച്ച് സി.പി.എമ്മാണ് തിരഞ്ഞെടുപ്പ് കമ്മീഷന് പരാതി നൽകിയത്. ഈ പരാതിയിൽ കഴമ്പുണ്ടെന്ന് കമ്മീഷൻ കണ്ടെത്തിയതിനെ തുടർന്നാണ് നടപടിയുണ്ടായത്.

തിരഞ്ഞെടുപ്പ് കമ്മീഷന്റെ കണ്ടെത്തലിനെ തുടർന്ന് വൈഷ്ണ സുരേഷിന്റെ പ്രതികരണം ഇങ്ങനെയായിരുന്നു, തുടക്കത്തിൽ തന്നെ ഉണ്ടായ അനുകൂല ട്രെൻഡിൽ സി.പി.ഐ.എമ്മിന് ഭയമുണ്ടാകാമെന്ന്. തെറ്റായ മേൽവിലാസം നൽകിയതിനെക്കുറിച്ചും, വോട്ടർ പട്ടികയിൽ പേര് ഇല്ലാത്തതിനെക്കുറിച്ചും വൈഷ്ണ കൂടുതൽ പ്രതികരിക്കാൻ തയ്യാറായില്ല. ഇതോടെ യൂത്ത് കോൺഗ്രസ്സിന്റെ പ്രതീക്ഷകൾക്ക് മങ്ങലേറ്റു.

Story Highlights : Vaishna Suresh cannot contest in local election

Story Highlights: തെറ്റായ മേൽവിലാസം നൽകിയതിനെ തുടർന്ന് വൈഷ്ണ സുരേഷിന് തിരഞ്ഞെടുപ്പിൽ മത്സരിക്കാൻ കഴിയില്ല.

പാലക്കാട് ചെർപ്പുളശ്ശേരിയിൽ പോലീസ് ഉദ്യോഗസ്ഥനെ തൂങ്ങി മരിച്ച നിലയിൽ കണ്ടെത്തി