വാക്സിനേഷന്‍ ഇന്ന് സംസ്ഥാനത്ത് പുനരാരംഭിക്കും.ആരോഗ്യവകുപ്പ് നാളെ മുതല്‍ വാക്സിനേഷന്‍ പൂര്‍ണരീതിയിലാകുമെന്ന് അറിയിച്ചു.അതേസമയം കൊവിഡ് കേസുകളുടെ എണ്ണം സംസ്ഥാനത്ത് കുതിച്ചുയരുകയാണ്.
ഇന്നലെ 74,720 ഡോസ് കൊവാക്സിനും 8,97,870 ഡോസ് കൊവിഷീല്‍ഡുമാണ് എത്തിയത്.ഇന്നലെ തന്നെ റീജിണല്‍ കേന്ദ്രങ്ങളിലെത്തിയ വാക്സിന്‍ വാക്സിനേഷന്‍ കേന്ദ്രങ്ങളിലെത്തിക്കാനുള്ള നടപടി സ്വീകരിച്ചു.കൊവാക്സിനാകും ഇന്ന് തിരുവനന്തപുരത്ത് വിതരണം ചെയ്യുക.വാക്സിനേഷന്‍ നാളെ മുതല്‍ പൂര്‍ണരീതിയിലാകും.
കേന്ദ്രത്തോട് വരും ദിവസങ്ങളിലും കൂടുതല്‍ വാക്സിന്‍ നല്‍കണമെന്ന് ആവശ്യപ്പെട്ടിട്ടുണ്ട്.സംസ്ഥാനത്ത് വാക്സിന്‍ നല്‍കിയത് നിലവില്‍ ഒരു കോടി 90 ലക്ഷം പേര്‍ക്കാണ്.അതേസമയം രോഗവ്യാപനം ശക്തമായി തുടരുകയാണ്.പ്രതിദിന കേസ് തുടര്‍ച്ചയായ രണ്ടാം ദിവസവും 20,000ന് മുകളിലെത്തി.ഒന്നരലക്ഷത്തിനടുത്ത് ചികിത്സയിലുള്ളവരുടെ എണ്ണമെത്തിയത് ആശങ്ക വര്‍ധിപ്പിക്കുന്നു.
Story highlight: Vaccination will resume in the state today.
