US sanctions 400 firms, including 4 Indian, for aiding Russia

യുക്രെയിനെതിരായ യുദ്ധത്തിൽ റഷ്യയെ സഹായിക്കുന്ന തരത്തിൽ ഇടപെട്ടു എന്ന കുറ്റം ചുമത്തി അമേരിക്ക 400 കമ്പനികൾക്കെതിരെ വിലക്കേർപ്പെടുത്തി. ഇന്ത്യയിൽ നിന്നുള്ള നാല് കമ്പനികൾ ഉൾപ്പെടെ 12 ഓളം രാജ്യങ്ങളിൽ നിന്നുള്ള കമ്പനികൾക്കെതിരെയാണ് അമേരിക്കയുടെ നടപടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

റഷ്യക്കെതിരായ ഉപരോധ നിർദ്ദേശം മറികടന്നതിനാണ് ഈ കമ്പനികൾക്കെതിരെ നടപടി സ്വീകരിച്ചത്. റഷ്യ കേന്ദ്രീകരിച്ച് പ്രവർത്തിക്കുന്ന കമ്പനികളുമായി സഹകരിച്ച അസെന്റ് ഏവിയേഷൻ ഇന്ത്യ പ്രൈവറ്റ് ലിമിറ്റഡ് എന്ന ഇന്ത്യൻ കമ്പനി 700 ഓളം ഷിപ്മെന്റുകൾ അയച്ചതായി കണ്ടെത്തി.

യുഎസ്സിൽ നിർമ്മിച്ച എയർക്രാഫ്റ്റ് ഘടകങ്ങൾ അടക്കം ഇവർ റഷ്യയിലേക്ക് കയറ്റി അയച്ചു. മാസ്ക് ട്രാൻസ് എന്ന മറ്റൊരു ഇന്ത്യൻ കമ്പനി റഷ്യയിലെ കമ്പനികൾക്ക് പൊതു ആവശ്യ വസ്തുക്കൾ (സി എച്ച് പി എൽ) ഉൽപ്പന്നങ്ങൾ അയച്ചുകൊടുത്തതായും കണ്ടെത്തി.

ടി എസ് എം ഡി ഗ്ലോബൽ പ്രൈവറ്റ് ലിമിറ്റഡ് എന്ന മൂന്നാമത്തെ ഇന്ത്യൻ കമ്പനി യുദ്ധസാമഗ്രികൾ റഷ്യയിലേക്ക് എത്തിച്ചതായും കണ്ടെത്തി. റഷ്യക്കെതിരായ കടുത്ത നടപടി തുടരുമെന്ന് വ്യക്തമാക്കിയ അമേരിക്ക, റഷ്യയെ സഹായിക്കുന്ന എല്ലാ കമ്പനികൾക്കും ഇതിലൂടെ മുന്നറിയിപ്പും നൽകുന്നുണ്ട്.

സുനിത വില്യംസ് ഇന്ത്യ സന്ദർശിക്കും; ഐഎസ്ആർഒ ശാസ്ത്രജ്ഞരുമായി കൂടിക്കാഴ്ച നടത്തും

മൈക്രോ ഇലക്ട്രോണിക്, പൊതു അവശ്യ വസ്തുക്കൾ എന്നിവയാണ് റഷ്യയിലേക്ക് ഈ കമ്പനികൾ കയറ്റി അയച്ചത്. യുകെ, ജപ്പാൻ, ചൈന, ഇന്ത്യ, ഖസാക്കിസ്ഥാൻ, കിർഗീസ് റിപ്പബ്ലിക്ക്, തുർക്കി, യുഎഇ എന്നിവിടങ്ങളിൽ നിന്നുള്ള കമ്പനികൾക്കാണ് വിലക്ക് ഏർപ്പെടുത്തിയത്.

Story Highlights: US sanctions 400 companies, including 4 from India, for violating Russia sanctions

മനോജ് കുമാർ അന്തരിച്ചു