UPSC Chairman Manoj Soni Resigns Unexpectedly: 5 Years Left in Term

യുപിഎസ്സി ചെയർപേഴ്സൺ മനോജ് സോണി അപ്രതീക്ഷിതമായി രാജിവെച്ചു. കാലാവധി അവസാനിക്കാൻ അഞ്ച് വർഷം ബാക്കിനിൽക്കെയാണ് രാജി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വ്യക്തിപരമായ കാരണങ്ങളാലാണ് രാജിവയ്ക്കുന്നതെന്നാണ് വിശദീകരണം. ഒരു മാസം മുമ്പ് രാഷ്ട്രപതിക്ക് രാജിക്കത്ത് കൈമാറിയെങ്കിലും ഇതുവരെ സ്വീകരിച്ചിട്ടില്ലെന്നാണ് റിപ്പോർട്ട്.

2017-ൽ യുപിഎസ്സി അംഗമായ സോണി, 2023 മേയ് 16-ന് ചെയർമാനായി ചുമതലയേറ്റു. വ്യാജ രേഖകൾ നൽകി സിവിൽ സർവീസിൽ പ്രവേശിപ്പിച്ച പ്രൊബേഷണറി ഐഎഎസ് പൂജ ഖേദ്കറുമായി ബന്ധപ്പെട്ട വിവാദങ്ങൾ നിലനിൽക്കെയാണ് രാജി.

എന്നാൽ, ഈ വിവാദങ്ങളുമായി രാജിക്ക് ബന്ധമില്ലെന്ന് യുപിഎസ്സി വൃത്തങ്ങൾ അറിയിച്ചു. സ്വാമിനാരായണൻ വിഭാഗത്തിന്റെ ശാഖയായ അനൂപം മിഷനിൽ കൂടുതൽ സമയം ചെലവഴിക്കാനാണ് സോണി രാജിവയ്ക്കുന്നതെന്ന റിപ്പോർട്ടുകളുമുണ്ട്.

2020-ൽ മിഷനിൽ സന്യാസിയായി ചേർന്ന സോണി, യുപിഎസ്സിയിലെത്തുന്നതിന് മുമ്പ് ഗുജറാത്തിലെ രണ്ട് സർവകലാശാലകളിൽ മൂന്നു തവണ വൈസ് ചാൻസലറായി സേവനമനുഷ്ഠിച്ചിട്ടുണ്ട്. 2029 വരെയായിരുന്നു അദ്ദേഹത്തിന്റെ കാലാവധി.

ഇന്ത്യയും പാകിസ്താനും വെടിനിർത്തലിന് സമ്മതിച്ചു: പാക് വിദേശകാര്യമന്ത്രിയുടെ സ്ഥിരീകരണം

ടിആർഎഫിനെ ആഗോള ഭീകരസംഘടനയായി പ്രഖ്യാപിക്കണമെന്ന് ഇന്ത്യ യുഎന്നിൽ