മെറ്റയുടെ സഹായത്തോടെ ഉത്തർപ്രദേശ് പൊലീസ് ഒരാഴ്ചകൊണ്ട് പത്ത് ജീവനുകൾ രക്ഷിച്ചു

മെറ്റ കമ്പനിയുടെ സഹായത്തോടെ ഉത്തർപ്രദേശ് പൊലീസ് ഒരാഴ്ചക്കുള്ളിൽ പത്ത് ജീവനുകൾ രക്ഷിച്ചു. ഫെയ്സ്ബുക്ക്, ഇൻസ്റ്റഗ്രാം തുടങ്ങിയ സാമൂഹിക മാധ്യമങ്ങളിൽ പ്രത്യക്ഷപ്പെട്ട ആത്മഹത്യാ ശ്രമങ്ങളുമായി ബന്ധപ്പെട്ട പോസ്റ്റുകളുടെ വിവരങ്ങൾ മെറ്റ പൊലീസുമായി പങ്കുവച്ചതിന്റെ അടിസ്ഥാനത്തിലാണ് ഈ ജീവനുകൾ രക്ഷിക്കാൻ കഴിഞ്ഞത്.

ഡിജിപി പ്രശാന്ത് കുമാർ വ്യക്തമാക്കിയതനുസരിച്ച്, കഴിഞ്ഞ ഒരാഴ്ചയ്ക്കുള്ളിൽ 14 ഇത്തരം കേസുകളാണ് ശ്രദ്ധയിൽപ്പെട്ടത്. ഉടനടി നടപടി സ്വീകരിച്ചതിലൂടെ 10 ജീവനുകൾ രക്ഷിക്കാൻ കഴിഞ്ഞുവെന്നും, ഇത്തരം ആളുകളോടും അവരുടെ കുടുംബങ്ങളോടും പൊലീസ് സംസാരിച്ചുവെന്നും അദ്ദേഹം പറഞ്ഞു. ആത്മഹത്യയുമായി ബന്ധപ്പെട്ട പോസ്റ്റുകൾ ശ്രദ്ധയിൽപ്പെട്ടാൽ മെറ്റ കമ്പനി ആസ്ഥാനത്തുനിന്ന് നേരിട്ട് പൊലീസിനെ ബന്ധപ്പെടും.

പൊലീസ് ആസ്ഥാനത്തെ സോഷ്യൽ മീഡിയ സെന്ററിൽ ഫോണിലൂടെയോ ഇ-മെയിലിലൂടെയോ ഉടൻതന്നെ മുന്നറിയിപ്പ് സന്ദേശം ലഭിക്കും. ഈ ഡെസ്കുമായി എസ്ടിഎഫ് സെർവറിനെ സംയോജിപ്പിച്ചിട്ടുണ്ട്. ഇതിന്റെ സഹായത്തോടെ പോസ്റ്റ് പങ്കുവച്ചയാളുടെ ലൊക്കേഷൻ കണ്ടെത്തി യുപി-112ക്ക് കൈമാറുകയും ത്വരിത നടപടി സ്വീകരിക്കുകയും ചെയ്യും. ഇത്തരം സംവിധാനങ്ങളിലൂടെ സാമൂഹിക മാധ്യമങ്ങളിലെ ആത്മഹത്യാ ശ്രമങ്ങൾ തടയാൻ പൊലീസിന് കഴിയുന്നുണ്ട്.

Story Highlights: UP Police save 10 lives in a week with Meta’s help by tracking suicide-related social media posts