Kerala Disappointed in Union Budget 2024: No Special Schemes Announced

കേന്ദ്ര ബജറ്റിൽ കേരളത്തിന് വീണ്ടും നിരാശയായി. സംസ്ഥാനത്തിന്റെ ആവശ്യങ്ങൾക്ക് യാതൊരു പ്രഖ്യാപനങ്ങളും ഉണ്ടായില്ല. കേരളം 24,000 കോടി രൂപയുടെ പാക്കേജ് ആവശ്യപ്പെട്ടിരുന്നെങ്കിലും, സംസ്ഥാനത്തിനായി പ്രത്യേക പദ്ധതികളൊന്നും തന്നെ ബജറ്റിൽ പ്രഖ്യാപിച്ചിട്ടില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പുതിയ ടൂറിസം പദ്ധതികളും കേരളത്തിന് ലഭിച്ചില്ല. പ്രളയ ദുരിതാശ്വാസത്തിനുള്ള സഹായ പ്രഖ്യാപനങ്ങളിൽ കേരളത്തെ ഉൾപ്പെടുത്തിയില്ല. ബിഹാർ, അസം, ഹിമാചൽ, സിക്കിം തുടങ്ങിയ സംസ്ഥാനങ്ങളെയാണ് ഈ പദ്ധതിക്കായി പരിഗണിച്ചത്.

വ്യവസായിക ഇടനാഴികളുടെ പ്രഖ്യാപനത്തിലും കേരളത്തെ ഉൾപ്പെടുത്തിയില്ല. എന്നാൽ, ചെന്നൈ – വിശാഖപട്ടണം – ബംഗളൂരു – ഹൈദരാബാദ് പ്രത്യേക വ്യാവസായിക ഇടനാഴി പ്രഖ്യാപിച്ചിട്ടുണ്ട്. വിഴിഞ്ഞം പദ്ധതിക്കും പ്രത്യേക പാക്കേജ് പ്രഖ്യാപിച്ചില്ല.

കേരളം ആവശ്യപ്പെട്ട പകർച്ചവ്യാധി പരിശോധനാ സംവിധാനങ്ങളുടെ ആധുനിക സ്ഥാപനങ്ങളും അനുവദിച്ചിട്ടില്ല. ജലജന്യരോഗങ്ങളുടെ വ്യാപനത്തിന്റെ പശ്ചാത്തലത്തിൽ സംസ്ഥാനം ആവശ്യപ്പെട്ട വിവിധ ഗവേഷണ ഇൻസ്റ്റിറ്റ്യൂട്ടുകളും രോഗനിർണയ കേന്ദ്രങ്ങളും അനുവദിക്കപ്പെട്ടില്ല. ഇത് സംസ്ഥാനത്തിന്റെ ആരോഗ്യ മേഖലയിൽ വലിയ തിരിച്ചടിയാണ് ഉണ്ടാക്കുന്നത്.

ഷഹബാസ് കൊലക്കേസ്: പ്രതികളുടെ ജാമ്യാപേക്ഷ മാറ്റി

അതിജീവിതകൾക്കായി വിമൻ ആൻഡ് ചിൽഡ്രൻ ഹോം: താല്പര്യപത്രം ക്ഷണിച്ചു