സാദിഖലി തങ്ങളെ വ്യക്തിപരമായി വിമർശിച്ചിട്ടില്ലെന്ന് ഉമർ ഫൈസി മുക്കം വ്യക്തമാക്കി. ഖാസിയാകാൻ ചില യോഗ്യതകൾ ആവശ്യമാണെന്നും അത് എല്ലാവർക്കും ബാധകമാണെന്നും അദ്ദേഹം പറഞ്ഞു. ഖാസി ഫൗണ്ടേഷനെതിരെയാണ് വിമർശനം ഉന്നയിച്ചതെന്നും സമസ്തയ്ക്ക് ബദലായി സംഘടന രൂപീകരിക്കുന്നുവെന്നും അദ്ദേഹം കൂട്ടിച്ചേർത്തു.
ഖാസി ഫൗണ്ടേഷൻ രൂപീകരണത്തിന്റെ ലക്ഷ്യം എന്താണെന്ന് ചോദിച്ച ഉമർ ഫൈസി, താൻ പറഞ്ഞത് മുശാവറയിലെ മുഴുവൻ അംഗങ്ങൾക്കും ബോധ്യമാകുമെന്നും പണ്ഡിതർ പിന്തുണക്കുമെന്നും പ്രതീക്ഷ പ്രകടിപ്പിച്ചു. മുസ്ലിംലീഗിനെ നിയന്ത്രിക്കുന്നത് ജമാഅത്തെ ഇസ്ലാമി, വഹാബി, മുജാഹിദ് നേതാക്കളാണെന്നും പി എം എ സലാം മുജാഹിദ് – വഹാബി കുടുംബാംഗമാണെന്നും അദ്ദേഹം ആരോപിച്ചു.
സമസ്തയും പാണക്കാട് കുടുംബവും നശിക്കാൻ പാടില്ലെന്ന് പറഞ്ഞ ഉമർ ഫൈസി, വൻ ചിതലുകൾ കടന്നുകൂടി ലീഗിനെ നശിപ്പിക്കുന്നുവെന്നും അഭിപ്രായപ്പെട്ടു. ഹക്കീം ഫൈസിയുമായി ബന്ധം പാടില്ലെന്ന സമസ്ത നിർദേശം സാദിഖലി തങ്ങളും കുഞ്ഞാലിക്കുട്ടിയും ഉൾക്കൊണ്ടില്ലെന്നും അതാണ് പ്രശ്നങ്ങൾക്ക് കാരണമെന്നും അദ്ദേഹം കുറ്റപ്പെടുത്തി. സമസ്ത നിർദേശം ലംഘിച്ചത് വെല്ലുവിളിയായി കാണുന്നുവെന്നും ഉമർ ഫൈസി മുക്കം പറഞ്ഞു.
Story Highlights: Umar Faizy Mukkam clarifies Sadiq Ali Thangal’s criticism and discusses Muslim League’s internal issues.
