UAE National Day: Traffic fine discounts and vehicle restrictions

യു.എ.ഇ ദേശീയദിനത്തോടനുബന്ധിച്ച് ഉമ്മുൽഖുവൈനിൽ ഗതാഗത നിയമലംഘനങ്ങൾക്ക് 50 ശതമാനം പിഴയിളവ് പ്രഖ്യാപിച്ചിരിക്കുകയാണ്. ഈ വർഷം ഡിസംബർ 1 വരെയുള്ള പിഴകൾക്കാണ് ഈ ഇളവ് ബാധകമാകുന്നത്. എന്നാൽ, ഗൗരവമേറിയ കുറ്റങ്ങൾക്ക് ചുമത്തിയ പിഴകളിൽ യാതൊരു ഇളവും അനുവദിക്കുന്നതല്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഉമ്മുൽഖുവൈൻ ഗതാഗത കേന്ദ്രം നൽകിയ വിവരമനുസരിച്ച്, ഡിസംബർ 1 മുതൽ അടുത്ത വർഷം ജനുവരി 5 വരെ ഈ ഇളവ് പ്രയോജനപ്പെടുത്താൻ സാധിക്കും. ഗുരുതരമല്ലാത്ത നിയമലംഘനങ്ങൾ കാരണം പിടിച്ചെടുത്ത വാഹനങ്ങൾ വിട്ടുകൊടുക്കുന്നതും, ചുമത്തിയ ബ്ലാക്ക് പോയിന്റുകൾ നീക്കം ചെയ്യുന്നതും ഈ ഇളവിൽ ഉൾപ്പെടുന്നു. മറ്റ് എമിറേറ്റുകളിൽ രജിസ്റ്റർ ചെയ്ത വാഹനങ്ങൾക്കും ഈ ഇളവ് ബാധകമാണ്.

അതേസമയം, യു.എ.ഇയുടെ 53-ാം ദേശീയ ദിനാഘോഷത്തിന്റെ ഭാഗമായി അബുദാബി നഗരത്തിൽ ട്രക്കുകളുടെയും ഹെവി വാഹനങ്ങളുടെയും പ്രവേശനത്തിന് വിലക്കേർപ്പെടുത്തിയിരിക്കുകയാണ്. ഡിസംബർ 2, 3 തീയതികളിലാണ് ഈ നിരോധനം നിലവിൽ വരുന്നതെന്ന് സമഗ്ര ഗതാഗത കേന്ദ്രം അറിയിച്ചു. അബുദാബി, അൽ ഐൻ, സായിദ് സിറ്റി തുടങ്ങിയ പ്രധാന നഗരങ്ങളിലേക്കുള്ള ഹെവി വാഹനങ്ങളുടെയും ട്രക്കുകളുടെയും പ്രവേശനമാണ് നിരോധിച്ചിരിക്കുന്നത്. നഗരങ്ങളിൽ വിവിധ പരിപാടികളും ഷോകളും നടക്കുന്ന സാഹചര്യത്തിലാണ് ഈ പ്രവേശന വിലക്ക് ഏർപ്പെടുത്തിയിരിക്കുന്നത്.