Kerala Offers Help to Tamil Nadu After TVK Rally Accident

**കരുർ (തമിഴ്നാട്)◾:** ടിവികെ റാലിക്കിടെയുണ്ടായ അപകടത്തിൽ തമിഴ്നാടിന് സഹായം വാഗ്ദാനം ചെയ്ത് കേരളം രംഗത്ത്. അപകടത്തിൽ അനുശോചനം രേഖപ്പെടുത്തിയ മന്ത്രി വീണാ ജോർജ്, കേരളത്തിന്റെ പിന്തുണ ഉറപ്പു നൽകി. തമിഴ്നാട് ആരോഗ്യമന്ത്രി മാ സുബ്രഹ്മണ്യത്തെ ഫോണിൽ വിളിച്ച് സംസാരിച്ചാണ് മന്ത്രി സഹായം അറിയിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംഭവത്തിൽ കേന്ദ്ര ആഭ്യന്തരമന്ത്രി അമിത് ഷാ സ്ഥിതിഗതികൾ വിലയിരുത്തി. തമിഴ്നാട് മുഖ്യമന്ത്രി എം.കെ സ്റ്റാലിനുമായി അമിത് ഷാ ആശയവിനിമയം നടത്തി. കേന്ദ്രസർക്കാരിന്റെ സഹായം അമിത് ഷാ ഉറപ്പുനൽകി.

തമിഴ്നാട് സർക്കാരിനോട് കേന്ദ്ര ആഭ്യന്തര മന്ത്രാലയം റിപ്പോർട്ട് തേടിയിട്ടുണ്ട്. റാലിക്കിടെയുണ്ടായ ദുരന്തത്തെക്കുറിച്ച് തമിഴ്നാട് സർക്കാർ ജുഡീഷ്യൽ അന്വേഷണം പ്രഖ്യാപിച്ചിട്ടുണ്ട്. തമിഴ്നാട് ഹൈക്കോടതി മുൻ ജഡ്ജി അരുണ ജഗതീശൻ അന്വേഷണം നടത്തും.

കേരളത്തിൽ നിന്നുള്ള ആരോഗ്യ പ്രവർത്തകരുടെ ടീമിനെ ആവശ്യമെങ്കിൽ കരൂരിലേക്ക് അയക്കുന്നതിന് മുഖ്യമന്ത്രി നിർദേശം നൽകിയിട്ടുണ്ട് എന്ന് മന്ത്രി വീണാ ജോർജ് അറിയിച്ചു. തമിഴ്നാട് കരൂർ ദുരന്തത്തിൽ ആവശ്യമെങ്കിൽ സഹായം വാഗ്ദാനം ചെയ്ത് മുഖ്യമന്ത്രി പിണറായി വിജയൻ തമിഴ്നാട് മുഖ്യമന്ത്രി എം.കെ സ്റ്റാലിന് കത്തയച്ചിരുന്നു. കുടുംബാംഗങ്ങളുടെ ദുഃഖത്തിൽ അനുശോചനം രേഖപ്പെടുത്തുന്നതായും മുഖ്യമന്ത്രി കത്തിൽ അറിയിച്ചു.

തമിഴ്നാട്ടില് റാഗിംഗിനിരയായി വിദ്യാര്ത്ഥി; ഹൈദരാബാദില് സീനിയര് വിദ്യാര്ത്ഥികളുടെ പീഡനത്തെ തുടര്ന്ന് എന്ജിനിയറിംഗ് വിദ്യാര്ത്ഥി ജീവനൊടുക്കി

story_highlight: TVK Rally accident: Kerala extends help to Tamil Nadu, offering support and condolences.

ടിവികെ റാലി അപകടം: മരിച്ചവരുടെ പോസ്റ്റുമോർട്ടം ഇന്ന്; ടിവികെ ജില്ലാ സെക്രട്ടറിക്കെതിരെ കേസ്