Trump's Rs 2500 Crore Project in Pune

പുണെയിൽ 2500 കോടി രൂപയുടെ വാണിജ്യ പദ്ധതിയുമായി ട്രംപിന്റെ കമ്പനി ഇന്ത്യയിലേക്ക് കടന്നുവരുന്നു. ട്രിബേക്ക ഡെവലപ്പേഴ്സ് എന്ന റിയാലിറ്റി സ്ഥാപനമാണ് കുന്ദൻ സ്പേസസുമായി സഹകരിച്ച് ഈ പദ്ധതി നടപ്പിലാക്കുന്നത്. രണ്ട് ഗ്ലാസ് ടവറുകളിലായി 27 നിലകളുള്ള ഈ കെട്ടിടസമുച്ചയം 16 ലക്ഷം ചതുരശ്ര അടി വിസ്തൃതിയിലാണ് നിർമ്മിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അമേരിക്ക ആസ്ഥാനമായി പ്രവർത്തിക്കുന്ന ട്രംപ് ഓർഗനൈസേഷൻ ഇന്ത്യൻ റിയൽ എസ്റ്റേറ്റ് രംഗത്തേക്ക് പ്രവേശിക്കുന്നത് ഇതാദ്യമാണ്. പുണെയിലെ 4. 3 ഏക്കർ സ്ഥലത്താണ് ഈ പദ്ധതി നടപ്പിലാക്കുന്നത്.

ട്രംപ് വേൾഡ് സെന്റർ എന്ന പേരിൽ അറിയപ്പെടുന്ന ഈ പദ്ധതി 2500 കോടി രൂപയുടെ വിൽപ്പന ലക്ഷ്യമിടുന്നു. ഇരു ടവറുകളിലും ബിസിനസ് ഓഫീസുകളാണ് പ്രധാനമായും ഉൾപ്പെടുത്തുക. ട്രിബേക്ക ഡെവലപ്പേഴ്സിന് നിലവിൽ 13 പദ്ധതികളിലായി 14 ദശലക്ഷം ചതുരശ്ര അടി വിസ്തൃതിയിൽ 16000 കോടി രൂപയുടെ വോട്ട്ഫോളിയോ ഉണ്ട്.

ന്യൂ ജേഴ്സി ഗവർണർക്ക് ലുലു ഗ്രൂപ്പ് സ്വീകരണം

അമേരിക്കയ്ക്ക് പുറത്ത് ട്രംപിന്റെ ബ്രാൻഡ് സ്ഥാപിക്കുന്ന ഏറ്റവും പുതിയ രാജ്യമായി ഇന്ത്യ മാറുകയാണ്. ഈ പദ്ധതിയിലൂടെ ഇന്ത്യൻ വിപണിയിൽ ശക്തമായ സാന്നിധ്യം ഉറപ്പിക്കാനാണ് ട്രംപ് ഓർഗനൈസേഷൻ ലക്ഷ്യമിടുന്നത്. പുതിയ പദ്ധതി ഇന്ത്യയിലെ വാണിജ്യ റിയൽ എസ്റ്റേറ്റ് രംഗത്ത് വലിയ മാറ്റങ്ങൾക്ക് കാരണമാകുമെന്നാണ് വിലയിരുത്തപ്പെടുന്നത്.

Story Highlights: Trump’s company invests Rs 2500 crore in a commercial project in Pune, India.

പഹൽഗാം ആക്രമണം: ഖത്തർ ഇന്ത്യയ്ക്ക് പിന്തുണയുമായി