ട്രാൻസ്ജെൻഡർ ആക്ടിവിസ്റ്റ് അനന്യയുടെ പങ്കാളി ജിജുവും മരിച്ച നിലയിൽ.

ട്രാൻസ്ജെൻഡർ ആക്ടിവിസ്റ്റ് അനന്യകുമാരി അലക്സിന്റെ പങ്കാളി ജിജു ഗിരിജാ രാജിനെ(30)യും തൂങ്ങി മരിച്ചനിലയിൽ കണ്ടെത്തി. ലിംഗമാറ്റ ശസ്ത്രക്രിയയിൽ പിഴവുണ്ടായെന്ന് ആശുപത്രി അധികൃതർക്കെതിരെ ആരോപണം ഉന്നയിച്ചതിനു പിന്നാലെയാണ് മരണം

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

.വെള്ളിയാഴ്ച ഉച്ചകഴിഞ്ഞ് മൂന്നു മണിയോടെയാണ് ജിജുവിനെ വൈറ്റില തൈക്കൂടത്ത് ജവഹർ റോഡിലുള്ള സുഹൃത്തുക്കളുടെ വീട്ടിൽ മരിച്ച നിലയിൽ കണ്ടെത്തിയത്. മൃതദേഹം കണ്ടത് ഭക്ഷണം വാങ്ങാൻ പുറത്തുപോയ സുഹൃത്തുക്കൾ തിരിച്ചു വന്നപ്പോഴാണ്.

വിവരമറിയിച്ചതിനെ തുടർന്ന് പോലീസ് അന്വേഷണത്തതിന് എത്തി. എറണാകുളം ജനറൽ ആശുപത്രിയിലേക്ക് മൃതദേഹം മാറ്റി.ജിജു അനന്യയുടെ മരണത്തിനു പിന്നാലെ കടുത്ത മാനസിക സമ്മർദത്തിലായിരുന്നുവെന്നാണ് സുഹൃത്തുക്കളുടെ മൊഴി.

ജിജു ഹെയർ സ്റ്റൈലിസ്റ്റാണ്. തിരുവനന്തപുരം ജഗതി സ്വദേശിയാണ് ഇയാൾ.

അനന്യക്ക് ഒപ്പമാണ് ജിജു താമസിച്ചിരുന്നത്. ഇരുവരും ഒരുമിച്ച് താമസിക്കാൻ തുടങ്ങിയത് കഴിഞ്ഞ നിയമസഭാ തിരഞ്ഞെടുപ്പ് കാലത്താണ്. ഇവർ വിവാഹിതരാകാൻ തീരുമാനിച്ചിരുന്നതായി സുഹൃത്തുക്കൾ പറയുന്നു.

ശബരിമലയിൽ തീർത്ഥാടന ഒരുക്കങ്ങൾ എങ്ങുമെത്തിയില്ല; അടിസ്ഥാന സൗകര്യങ്ങൾ പോലുമില്ലെന്ന് പരാതി

ഇടപ്പള്ളി ഫ്ലാറ്റിൽ നിന്നും ജിജു ചൊവ്വാഴ്ച പുറത്ത് പോയി മടങ്ങിയെത്തിയപ്പോഴാണ് അനന്യയെ മരിച്ചനിലയിൽ കണ്ടെത്തിയത് എന്ന് പോലീസ് പറയുന്നു. അനന്യയുടെ മൃതദേഹം വ്യാഴാഴ്ച സംസ്കരിച്ചു.

Story highlight :Transgender activist Ananya’s partner Jiju also found dead.

കുടുംബം കസ്റ്റഡിയിൽ; കശ്മീരിൽ പഴക്കച്ചവടക്കാരൻ ജീവനൊടുക്കി