സംസ്ഥാനത്തെ കോവിഡ് വ്യാപനം രൂക്ഷമായ സാഹചര്യത്തിൽ വാരാന്ത്യ ദിനമായ ഇന്ന് സമ്പൂർണ ലോക്ഡൗൺ പ്രഖ്യാപിച്ചു. കോവിഡ് പ്രതിരോധ വകുപ്പുകൾക്കും അവശ്യസാധനങ്ങൾ വിൽക്കുന്ന കടകൾക്കും മാലിന്യ നിർമ്മാർജ്ജന സ്ഥാപനങ്ങൾക്കും തുറന്ന് പ്രവർത്തിക്കാൻ അനുമതിയുണ്ട്.
ഹോട്ടലുകൾക്ക് തുറന്നു പ്രവർത്തിക്കാമെങ്കിലും ടേക്ക് എവേ സൗകര്യം മാത്രമാണുള്ളത്. ആരോഗ്യ മേഖലയിലുള്ളവർക്കും കോവിഡ് പ്രതിരോധത്തിന്റെ ഭാഗമായി പ്രവർത്തിക്കുന്നവർക്കും യാത്രാനുമതിയുണ്ട്.
വാരാന്ത്യ ലോക്ഡൗണിൽ നിന്നും ശനിയാഴ്ച ഒഴിവാക്കി ഞായറാഴ്ച മാത്രമാക്കിയിരുന്നു. ശേഷം ഓണം പ്രമാണിച്ച് രണ്ടാഴ്ച ഞായറാഴ്ച ലോക്ഡൗണും ഒഴിവാക്കി. ഓണം കഴിഞ്ഞതോടെ ഞായറാഴ്ച ലോക്ഡോൺ ഏർപ്പെടുത്തി.
അവശ്യ മേഖലയിൽ ഒഴികെ മറ്റുള്ളവർക്ക് പുറത്തിറങ്ങാൻ പോലീസിന്റെ പാസ്സ് കയ്യിൽ കരുതണം. അനാവശ്യമായി പുറത്തിറങ്ങിയാൽ കർശനനടപടി സ്വീകരിക്കുമെന്ന് പോലീസ് അറിയിച്ചു.
Story Highlights: Today complete lockdown in kerala.
