Tirur Deputy Tehsildar Missing Case: Three Arrested for Extortion

തിരൂർ ഡെപ്യൂട്ടി തഹസിൽദാർ പിബി ചാലിബിനെ കാണാതായ സംഭവത്തിൽ മൂന്ന് പേർ അറസ്റ്റിലായി. രണ്ടത്താണി സ്വദേശികളായ ഷഫീഖ് (35), ഫൈസൽ (43) എന്നിവരും വെട്ടിച്ചിറ സ്വദേശി അജ്മൽ (37) എന്നിവരുമാണ് പിടിയിലായത്. പോക്സോ കേസിൽപ്പെടുത്തി കുടുംബം നശിപ്പിക്കുമെന്ന് ഭീഷണിപ്പെടുത്തിയെന്ന ചാലിബിന്റെ മൊഴിയുടെ അടിസ്ഥാനത്തിലാണ് തിരൂർ പൊലീസ് ഇവരെ അറസ്റ്റ് ചെയ്തത്. പ്രതികൾ പലതവണയായി പത്തുലക്ഷത്തി മുപ്പതിനായിരം രൂപയോളം വാങ്ങിയതായും, തുടർന്നും പണം ആവശ്യപ്പെട്ട് ബന്ധപ്പെട്ടിരുന്നതായും ചാലിബ് പൊലീസിന് നൽകിയ മൊഴിയിൽ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബുധനാഴ്ച വൈകീട്ടാണ് മലപ്പുറത്ത് നിന്ന് പിബി ചാലിബിനെ കാണാതായത്. വീട്ടിലെത്താൻ വൈകുമെന്ന് ഭാര്യയെ അറിയിച്ച ശേഷം, വാട്സ്ആപ്പിൽ വളാഞ്ചേരി ഇരിമ്പിളിയത്ത് റെയ്ഡ് ഉണ്ടെന്നും കൂടെ പൊലീസും എക്സൈസ് ടീമും ഉണ്ടെന്നും അദ്ദേഹം അറിയിച്ചു. എന്നാൽ രാത്രി വൈകിയിട്ടും തിരിച്ചെത്താതിരുന്നതിനെ തുടർന്ന് ബന്ധുക്കൾ തിരൂർ പൊലീസിൽ പരാതി നൽകി.

ആലുവയിൽ മൂന്ന് വയസ്സുകാരിയെ പുഴയിലെറിഞ്ഞ സംഭവം: അമ്മയ്ക്കും ചെറിയച്ഛനുമെതിരെ കുറ്റപത്രം

പൊലീസ് അന്വേഷണം നടത്തുന്നതിനിടെ ചാലിബ് ഭാര്യയെ ഫോണിൽ ബന്ധപ്പെട്ടു. താൻ സുരക്ഷിതനാണെന്നും ഉടൻ തിരിച്ചുവരുമെന്നും അദ്ദേഹം അറിയിച്ചു. കാണാതായതിന് ശേഷം മൊബൈൽ ടവർ ലൊക്കേഷൻ ആദ്യം കോഴിക്കോട്ടും, പിന്നീട് ഉഡുപ്പിയിലും ഒടുവിൽ മംഗളൂരുവിലും ആയിരുന്നു. ഈ സംഭവത്തിൽ കൂടുതൽ അന്വേഷണം നടന്നുവരികയാണ്.

Story Highlights: Tirur deputy tehsildar missing incident; Three persons arrested for extorting Rs 10 lakh

ഗായകൻ സുബീൻ ഗാർഗിന്റെ മരണത്തിൽ രണ്ടുപേർ കൂടി അറസ്റ്റിൽ