Thrissur Pooram Begins: Ramachandran Carries Chembookavu Bhagavathy's Idol

**തൃശ്ശൂർ◾:** വടക്കുന്നാഥ ക്ഷേത്ര സന്നിധിയിൽ പൂരത്തിന്റെ ആരവങ്ങൾ ഉയരുകയാണ്. കണിമംഗലം ശാസ്താവിന്റെ എഴുന്നള്ളിപ്പ് രാവിലെ 7.30ന് വടക്കുന്നാഥ ക്ഷേത്രത്തിൽ എത്തിച്ചേരും. തുടർന്ന് ചെമ്പൂക്കാവ് ഭഗവതി, പനമുക്കുംപിള്ളി ശാസ്താവ്, കാരമുക്ക് ഭഗവതി, ലാലൂർ ഭഗവതി, ചൂരക്കോട്ടുകാവ് ഭഗവതി, അയ്യന്തോൾ ഭഗവതി, നെയ്തലക്കാവ് ഭഗവതി എന്നിവരുടെ എഴുന്നള്ളിപ്പുകളും ക്ഷേത്രത്തിലെത്തും. തെച്ചിക്കോട്ടുകാവ് രാമചന്ദ്രനാണ് ഇക്കുറി ചെമ്പൂക്കാവ് ഭഗവതിയുടെ തിടമ്പേറ്റുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചെമ്പൂക്കാവ് ഭഗവതിയുടെ തിടമ്പേറ്റുന്നത് തെച്ചിക്കോട്ടുകാവ് രാമചന്ദ്രനാണ്. രാവിലെ 6.45ന് ചെമ്പൂക്കാവ് ഭഗവതി വടക്കുന്നാഥ ക്ഷേത്രത്തിലേക്ക് പുറപ്പെടും. 9 മണിയോടെ വടക്കുന്നാഥ ക്ഷേത്രത്തിൽ എത്തുന്ന രാമചന്ദ്രൻ പൂരദിവസം തെക്കേ നടയിലൂടെയാണ് ആദ്യം പുറത്തിറങ്ങുക.

പാറമേക്കാവ്, തിരുവമ്പാടി ഭഗവതിമാരും എട്ട് ഘടകക്ഷേത്രങ്ങളിൽ നിന്നുള്ള ഭഗവതിമാരും ശാസ്താക്കന്മാരും ഇന്ന് വടക്കുന്നാഥനെ വണങ്ങാനെത്തും. വൈകുന്നേരം 5.30നാണ് കുടമാറ്റം എന്ന ദൃശ്യവിസ്മയം അരങ്ങേറുക. പൂരത്തിന് മുന്നോടിയായി വിവിധ ഘടകക്ഷേത്രങ്ങളിൽ നിന്നുള്ള ചെറുപൂരങ്ങളുടെ വരവും നടക്കും.

തിരുവമ്പാടി ഭഗവതിയുടെ എഴുന്നള്ളിപ്പ് 11.30ന് തെക്കേമഠത്തിന് മുന്നിലെത്തുമ്പോൾ നടക്കുന്ന മഠത്തിൽ വരവ് പഞ്ചവാദ്യം കാണാൻ ആയിരങ്ങൾ എത്തിച്ചേരും. കോങ്ങാട് മധുവാണ് പഞ്ചവാദ്യത്തിന്റെ പ്രമാണി. പാറമേക്കാവിൽ നിന്ന് ഉച്ചയ്ക്ക് 12ന് ആരംഭിക്കുന്ന എഴുന്നള്ളിപ്പിന് ചെമ്പടമേളം അകമ്പടിയായി ഉണ്ടാകും.

ഓപ്പറേഷൻ ഡി-ഹണ്ട്: സംസ്ഥാന വ്യാപകമായി റെയ്ഡ്; 125 പേർ അറസ്റ്റിൽ

ഉച്ചയ്ക്ക് രണ്ട് മണിക്ക് വടക്കുന്നാഥ ക്ഷേത്രത്തിനകത്ത് ഇലഞ്ഞിത്തറമേളമായി ഇത് മാറും. കിഴക്കൂട്ട് അനിയൻ മാരാരാണ് ഇലഞ്ഞിത്തറമേളത്തിന്റെ പ്രമാണി. നാളെ പുലർച്ചെ മൂന്ന് മണിക്കാണ് വെടിക്കെട്ട്.

പൂരത്തിന് മുന്നോടിയായി കനത്ത സുരക്ഷയാണ് പോലീസ് ഒരുക്കിയിരിക്കുന്നത്. പെഹൽഗാം ആക്രമണത്തിന്റെ പശ്ചാത്തലത്തിൽ കമാൻഡോകളെയും വിന്യസിപ്പിച്ചിട്ടുണ്ട്. സ്വരാജ് ഗ്രൗണ്ടിലേക്ക് വാഹനങ്ങൾക്ക് പ്രവേശനം ഉണ്ടായിരിക്കില്ല.

Story Highlights: Thrissur Pooram commences with the grand procession of Kanimangalam Sastha, featuring Thechikottukavu Ramachandran carrying the idol of Chembookavu Bhagavathy.

അമ്മയെ വീട്ടിൽ നിന്ന് പുറത്താക്കിയ മകനെതിരെ നടപടി; ഹൈക്കോടതി ഉത്തരവിനെ തുടർന്ന് വീട് തിരികെ നൽകി