Kerala man killed in Ukraine shelling attack in Russia

റഷ്യയിൽ യുക്രെയ്ൻ നടത്തിയ ഷെല്ലാക്രമണത്തിൽ തൃശ്ശൂർ സ്വദേശി കൊല്ലപ്പെട്ടു. കല്ലൂർ നായരങ്ങാടി സ്വദേശി കാങ്കിൽ ചന്ദ്രന്റെ മകൻ സന്ദീപ് (36) ആണ് മരിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

റഷ്യൻ മലയാളി അസോസിയേഷൻ അംഗങ്ങൾ ആശുപത്രിയിൽ മൃതദേഹം തിരിച്ചറിഞ്ഞതായി കല്ലൂരിലെ വീട്ടിൽ അറിയിപ്പ് ലഭിച്ചു. ഇന്ന് വൈകുന്നേരത്തോടെയാണ് സന്ദീപിന്റെ മരണം സ്ഥിരീകരിച്ച വിവരം ബന്ധുക്കൾക്ക് ലഭിച്ചത്.

ആദ്യം പരുക്കേറ്റതായി മാത്രമാണ് അറിഞ്ഞിരുന്നത്. പിന്നീടാണ് മലയാളി അസോസിയേഷൻ മരണം സ്ഥിരീകരിച്ചത്.

കഴിഞ്ഞ ഏപ്രിലിൽ ചാലക്കുടിയിലെ ഏജൻസി വഴിയാണ് സന്ദീപും മറ്റ് ഏഴ് മലയാളികളും റഷ്യയിലേക്ക് പോയത്. മോസ്കോയിലെ റസ്റ്റോറന്റിൽ ജോലി ചെയ്യാനാണ് റഷ്യയിലേക്ക് പോകുന്നതെന്നാണ് സന്ദീപ് വീട്ടുകാരോട് പറഞ്ഞിരുന്നത്.

എന്നാൽ പിന്നീട് റഷ്യൻ സൈനിക ക്യാമ്പിലെ കാന്റീനിലാണ് ജോലിയെന്നും താൻ സുരക്ഷിതനാണെന്നും അദ്ദേഹം അറിയിച്ചിരുന്നു. ഈ സാഹചര്യത്തിലാണ് അപ്രതീക്ഷിതമായി ഷെല്ലാക്രമണത്തിൽ സന്ദീപ് കൊല്ലപ്പെട്ടത്.

Story Highlights: Thrissur native killed in Ukraine shelling attack in Russia

കേരള ക്ഷേത്ര സംരക്ഷണ സമിതിയുടെ സംസ്ഥാന സമ്മേളത്തിൻ്റെ മുന്നോടിയായുള്ള സാംസ്കാരിക സമ്മേളനം സംഘടിപ്പിച്ചു

വ്യാജ ട്രേഡിംഗ് ആപ്പ് വഴി 1.25 കോടി രൂപ തട്ടിപ്പ്: ഡോക്ടറും വീട്ടമ്മയും ഇരകൾ