തൃശൂരിലെ നാട്ടികയിൽ നടന്ന ദാരുണമായ അപകടത്തിൽ അഞ്ച് പേർ മരണപ്പെട്ടു. ജെകെ തിയ്യേറ്ററിനടുത്ത് പുലർച്ചെ 4 മണിക്ക് നടന്ന അപകടത്തിൽ ഏഴ് പേർക്ക് പരിക്കേറ്റു. കണ്ണൂരിൽ നിന്ന് കൊച്ചിയിലേക്ക് പോകുകയായിരുന്ന തടി ലോറിയാണ് ഉറങ്ങിക്കിടന്നവർക്കിടയിലേക്ക് പാഞ്ഞുകയറിയത്. മരിച്ചവരിൽ രണ്ട് കുട്ടികളും ഉൾപ്പെടുന്നു.
അപകടത്തിൽ മരിച്ചവർ നാടോടികളാണെന്നാണ് റിപ്പോർട്ട്. കാളിയപ്പൻ (50), ജീവൻ (4), നാഗമ്മ (39), ബംഗാഴി (20) എന്നിവരാണ് മരിച്ചത്. പരിക്കേറ്റവരെ തൃശൂർ മെഡിക്കൽ കോളേജിലേക്ക് മാറ്റി. ഉറങ്ങിക്കിടന്ന സംഘത്തിൽ പത്ത് പേർ ഉണ്ടായിരുന്നു. സംഭവ സ്ഥലത്തുവെച്ചു തന്നെ അഞ്ച് പേരും മരിച്ചു.
അപകടത്തിൽ ഞെട്ടിക്കുന്ന വഴിത്തിരിവുണ്ടായി. ലോറി ഡ്രൈവറും ക്ലീനറും മദ്യപിച്ചിരുന്നതായി റിപ്പോർട്ടുണ്ട്. അപകടസമയത്ത് വാഹനമോടിച്ചത് ലൈസൻസില്ലാത്ത ക്ലീനറായിരുന്നു. കണ്ണൂർ ആലങ്ങാട് സ്വദേശിയായ അലക്സ് എന്നയാളാണ് ലോറിയുടെ ക്ലീനർ. ഡ്രൈവറായി നിശ്ചയിച്ചിരുന്ന ജോസ് മദ്യപിച്ച ശേഷം വാഹനത്തിൽ കിടന്നുറങ്ങുകയായിരുന്നു. അലക്സിനെയും, ഡ്രൈവറായ കണ്ണൂർ സ്വദേശി ജോസിനെയും പൊലീസ് കസ്റ്റഡിയിലെടുത്തു.
Story Highlights: Tragic accident in Thrissur: Lorry driven by drunk, unlicensed cleaner kills five sleeping people
