വാളയാർ ഡാമിൽ അപകടത്തിൽ പെട്ട് കാണാതായാ പൂർണ്ണേഷ്, ആന്റോ, സഞ്ജയ് കൃഷ്ണൻ എന്നീ 3 പേരുടെ എന്നിവരുടെ മൃതദേഹം കണ്ടെത്തി. കോയമ്പത്തൂർ മളമച്ചാൻപെട്ടി ഒറ്റക്കാൽ മണ്ഡപം ഹിന്ദുസ്ഥാൻ പോളിടെക്നിക്ക് കോളജിലെ കമ്പ്യൂട്ടർ എൻജിനിയറിങ് ഒന്നാം വർഷ വിദ്യാർഥകളാണിവർ.
ഇന്നലെ പകൽ ഒന്നരയോടെയാണ് അഞ്ചംഗ സംഘം വാളയാർ ഡാമിലെ തമിഴ്നാട് പിച്ചനൂർ ഭാഗത്ത് കുളിക്കാൻ ഇറങ്ങിയത്. ആദ്യം വെള്ളത്തിൽ പെട്ടുപോയ സഞ്ജയ് കൃഷ്ണയെ രക്ഷിക്കാൻ ശ്രമിക്കവേ പൂർണേഷും ആന്റോ ജോസഫും അപകടത്തിൽപെടുകയും തുടർന്ന് കൂടുതൽ ആഴങ്ങളിലേക്ക് പോയ മൂവരും മണലെടുത്ത കുഴികളിലേക്ക് മുങ്ങിത്താഴുകയായിരുന്നു.
കഞ്ചിക്കോട്, പാലക്കാട് എന്നിവിടങ്ങളിൽ നിന്നും ഫയർഫോഴ്സ് യൂണിറ്റും സ്കൂബ സംഘവും എത്തി തിരച്ചിൽ നടത്തിയെങ്കിലും ഇന്നലെ ഇവരെ കണ്ടെത്താനായില്ല. ശക്തമായ മഴയും തിരച്ചിലിന് തടസ്സമുണ്ടാക്കി. ഇന്ന് രാവിലെയോടെ പൂർണേഷിന്റെ മൃതദേഹവും ഉച്ചയോടെ ആന്റോയുടെയും സഞ്ജയ് കൃഷ്ണ എന്നിവരുടെ മൃതദേഹങ്ങളും കണ്ടെത്തുകയായിരുന്നു.
Story highlight : Three missing students died at Wallayar Dam.
