തൃശൂർ പൂരത്തിൽ സംഘർഷം ഉണ്ടായപ്പോൾ രക്ഷകനായി സുരേഷ് ഗോപി എത്തിയെന്നും അതിന് ADGP അവസരം ഒരുക്കിയെന്നും തിരുവഞ്ചൂർ രാധാകൃഷ്ണൻ ആരോപിച്ചു. പൂരപ്പറമ്പിൽ എട്ട് വീഴ്ചകൾ ഉണ്ടായതായും അദ്ദേഹം ചൂണ്ടിക്കാട്ടി. തേര് എഴുന്നള്ളിക്കും പോലെയാണ് സുരേഷ് ഗോപിയെ കൊണ്ടുവന്നതെന്നും ആക്ഷൻ ഹീറോ പരിവേഷമാണ് അദ്ദേഹത്തിന് കിട്ടിയതെന്നും തിരുവഞ്ചൂർ പറഞ്ഞു.
പൊലീസ് അറിയാതെ എങ്ങനെ സുരേഷ് ഗോപി ആംബുലൻസിൽ വന്നുവെന്നും സേവാഭാരതിയുടെ ആംബുലൻസിന് പോകാൻ വഴി ഒരുക്കിയത് പൊലീസ് തന്നെയാണെന്നും തിരുവഞ്ചൂർ ചോദിച്ചു. മുന്നൊരുക്കങ്ങളിൽ വരെ വലിയ വീഴ്ചയുണ്ടായതായും ആദ്യം എഴുന്നള്ളിപ്പ് വന്നപ്പോൾ സ്വകാര്യ വാഹനങ്ങൾ കാരണം തടസ്സപ്പെട്ടതായും അദ്ദേഹം പറഞ്ഞു. ജനത്തെ പൊലീസ് ശത്രുവിനെ പോലെ കണ്ടുവെന്നും തിരുവഞ്ചൂർ ആരോപിച്ചു.
അനുഭവം ഇല്ലാത്ത ആളെ കമ്മീഷണർ ആക്കിയതായും എണ്ണ കൊണ്ട് പോയവരെ വരെ തടഞ്ഞതായും തിരുവഞ്ചൂർ പറഞ്ഞു. രാത്രി പൊലീസ് അതിക്രമം ഇരട്ടിയായതായും ദേശക്കാരെ സങ്കടത്തിലാക്കിയായിരുന്നു പൊലീസിന്റെ പെരുമാറ്റമെന്നും അദ്ദേഹം കുറ്റപ്പെടുത്തി. പൂരം കലക്കിയത് രാഷ്ട്രീയ ലക്ഷ്യം വച്ചു കൊണ്ടാണെന്നും സുരേഷ് ഗോപിക്ക് വഴി വെട്ടുകയായിരുന്നുവെന്നും തിരുവഞ്ചൂർ ആരോപിച്ചു. സുരേഷ് ഗോപിയേ ജയിപ്പിക്കാൻ അജിത് കുമാർ ഇടപെട്ടു എന്ന ആക്ഷേപം ഭരണ കക്ഷിക്ക് തന്നെ ഉണ്ടെന്നും അദ്ദേഹം പറഞ്ഞു.
Story Highlights: Thiruvanchoor Radhakrishnan accuses ADGP of orchestrating Suresh Gopi’s heroic entry during Thrissur Pooram tensions
