Mother Accused in Child Sexual Assault Case in Thiruvananthapuram

**തിരുവനന്തപുരം◾:** പതിനൊന്നു വയസ്സുള്ള മകളെ സുഹൃത്തിനെക്കൊണ്ട് ലൈംഗികമായി പീഡിപ്പിച്ചെന്ന കേസിൽ അമ്മയ്ക്കെതിരെ പോലീസ് കേസെടുത്തു. പോത്തൻകോട് പൊലീസ് സ്റ്റേഷൻ പരിധിയിലാണ് ഞെട്ടിക്കുന്ന ഈ സംഭവം അരങ്ങേറിയത്. കുട്ടിയുടെ പിതാവ് വീട്ടിലില്ലാതിരുന്ന സമയത്ത് അമ്മ തന്റെ സുഹൃത്തിനെ വിളിച്ചുവരുത്തിയെന്നും പെൺകുട്ടി വെളിപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രക്ഷിതാക്കളുടെ വേർപിരിയലുമായി ബന്ധപ്പെട്ട് കോടതിയിൽ നടന്ന കൗൺസിലിങ്ങിനിടെയാണ് പെൺകുട്ടി ഈ ലൈംഗികാതിക്രമം വെളിപ്പെടുത്തിയത്. ഫ്ലാറ്റിൽ പിതാവില്ലാത്ത ദിവസം അമ്മ പെൺകുട്ടിയെ സുഹൃത്തിനൊപ്പം ഉറങ്ങാൻ പറഞ്ഞുവിട്ടുവെന്നും ഉറക്കത്തിനിടെയാണ് പീഡനം നടന്നതെന്നും കുട്ടി പറഞ്ഞു. സംഭവത്തിൽ അമ്മയ്ക്കും സുഹൃത്തിനുമെതിരെ പോലീസ് കേസെടുത്തിട്ടുണ്ട്.

വഞ്ചിയൂർ പോലീസാണ് ആദ്യം കേസ് രജിസ്റ്റർ ചെയ്തത്. എന്നാൽ, സംഭവം നടന്നത് പോത്തൻകോട് പൊലീസ് സ്റ്റേഷൻ പരിധിയിൽ ആയതിനാൽ കേസ് അങ്ങോട്ട് മാറ്റിയെന്ന് വഞ്ചിയൂർ പോലീസ് അറിയിച്ചു. കുട്ടിയുടെ മൊഴിയുടെ അടിസ്ഥാനത്തിൽ അമ്മയെയും സുഹൃത്തിനെയും പ്രതിചേർത്താണ് കേസെടുത്തിരിക്കുന്നത്.

Story Highlights: A mother in Thiruvananthapuram has been accused of facilitating the sexual assault of her 11-year-old daughter by a friend.

എംഡിഎംഎയുമായി മൂന്ന് പേർ തിരുവനന്തപുരത്ത് പിടിയിൽ

മുൻ സർക്കാർ അഭിഭാഷകൻ പി. ജി. മനു തൂങ്ങിമരിച്ച നിലയിൽ