തിരുവനന്തപുരം മെഡിക്കൽ കോളേജിലെ പാത്തോളജി, മൈക്രോബയോളജി ലാബുകളിലേക്ക് പരിശോധനയ്ക്കായി എത്തിച്ച 17 ശരീര സാംപിളുകൾ ആക്രിക്കാരൻ കൈക്കലാക്കിയ സംഭവത്തിൽ പൊലീസ് കേസെടുക്കില്ല. സംഭവത്തിൽ മറ്റ് അട്ടിമറിയൊന്നും ഉണ്ടായിട്ടില്ലെന്നും ലാബിന്റെ പടിക്കെട്ടിൽ അലക്ഷ്യമായി കണ്ട സാംപിൾ ആക്രി സാധനങ്ങൾ എന്ന് കരുതിയാണ് ഇയാൾ കൈക്കലാക്കിയതെന്നും പൊലീസ് വ്യക്തമാക്കി. മെഡിക്കൽ കോളജ് പൊലീസ് കസ്റ്റഡിയിലെടുത്ത ഇതര സംസ്ഥാനക്കാരനായ ആക്രിക്കാരനെ വിശദമായി ചോദ്യം ചെയ്ത ശേഷം വിട്ടയച്ചു.
പരിശോധനയ്ക്കായി എത്തിച്ച സാംപിളുകൾ ലാബിന്റെ പടിക്കെട്ടിൽ അലക്ഷ്യമായി വെച്ച് മടങ്ങിയ ജീവനക്കാരനെതിരെ മെഡിക്കൽ കോളേജ് അധികൃതർ നടപടി സ്വീകരിച്ചു. ഹൗസ് കീപ്പിങ് വിഭാഗം ഗ്രേഡ് 1 ജീവനക്കാരൻ അജയകുമാറിനെയാണ് അന്വേഷണ വിധേയായി സസ്പെൻഡ് ചെയ്തത്. ആക്രിക്കാരനിൽ നിന്നും കണ്ടെടുത്ത സാംപിളുകൾ പൊലീസ് ലാബിന് തിരികെ നൽകി.
സാംപിളുകൾക്ക് കേടുപാടുകൾ സംഭവിച്ചിട്ടില്ലെന്നും രോഗികൾക്ക് ആശങ്ക വേണ്ടെന്നും ലാബ് അധികൃതർ അറിയിച്ചു. സംഭവത്തിൽ ലാബിന് വീഴ്ച സംഭവിച്ചിട്ടില്ലെന്ന് പാത്തോളജി വിഭാഗം മേധാവി ഡോ. ലൈല രാജി പ്രതികരിച്ചിരുന്നു.
ഏറെ ശ്രദ്ധയോടെ കൈകാര്യം ചെയ്യേണ്ട സാംപിളുകൾ അലക്ഷ്യമായി കൈകാര്യം ചെയ്തതാണ് പ്രശ്നങ്ങൾക്ക് കാരണമായത്. ഇന്ന് ഉച്ചയോടെയാണ് തിരുവനന്തപുരം മെഡിക്കൽ കോളജ് ആശുപത്രിയിൽ നിന്നും പാത്തോളജി ലാബിലേക്കും മൈക്രോബയോളജി ലാബിലേക്കുമായി പരിശോധനയ്ക്ക് എത്തിച്ച 17 ശരീര സാംപിളുകൾ ആക്രിക്കാരൻ കൈവശപ്പെടുത്തിയത്. സംഭവത്തിൽ ആക്രിക്കാരനെതിരെ കേസെടുക്കേണ്ടതില്ലെന്ന് പൊലീസ് തീരുമാനിച്ചു.
സാംപിളുകൾ ആക്രിക്കാരൻ കൈക്കലാക്കിയ സംഭവത്തിൽ വിശദമായ അന്വേഷണം നടക്കുന്നുണ്ട്.
Story Highlights: A scrap dealer took possession of 17 body samples meant for lab testing at Thiruvananthapuram Medical College, but police have decided not to file a case.
കോഴിക്കോട് മെഡിക്കൽ കോളേജ് വേസ്റ്റ് വാട്ടർ പ്ലാന്റിന് സമീപം തലയോട്ടിയും അസ്ഥികളും കണ്ടെത്തി. Read more
തിരുവനന്തപുരത്ത് ആത്മഹത്യ ചെയ്ത ദമ്പതികളുടെ കടം എഴുതിത്തള്ളാൻ തീരുമാനം. ബാങ്ക് അധികൃതരും പ്രതിഷേധക്കാരും Read more
തിരുവനന്തപുരം കരമനയിൽ ഭർത്താവിനെ കഴുത്തറുത്തും ഭാര്യയെ തൂങ്ങിമരിച്ച നിലയിലും കണ്ടെത്തി. കോൺട്രാക്ടറായ സതീഷിനും Read more
വെള്ളറടയിൽ വീട്ടമ്മ പ്രിയംവദയെ കൊലപ്പെടുത്തിയത് ബന്ധം ഉപേക്ഷിച്ചതിലുള്ള പ്രതികാരമാണെന്ന് സുഹൃത്ത് വിനോദിന്റെ മൊഴി. Read more
തിരുവനന്തപുരം വെള്ളറടയിൽ വീട്ടമ്മയെ കൊന്ന് കുഴിച്ചിട്ടതായി സംശയം. പ്രിയംവദ എന്ന 48 കാരിയെയാണ് Read more
ഇന്ധനം കുറഞ്ഞതിനെ തുടർന്ന് ബ്രിട്ടീഷ് യുദ്ധവിമാനം തിരുവനന്തപുരം വിമാനത്താവളത്തിൽ അടിയന്തര ലാൻഡിംഗ് നടത്തി. Read more
കോട്ടയം മെഡിക്കൽ കോളേജിൽ കാൻസർ രോഗികളുടെ കൂട്ടിരിപ്പുകാർക്കായി അത്യാധുനിക വിശ്രമ കേന്ദ്രം ഒരുങ്ങുന്നു. Read more
തിരുവനന്തപുരം മെട്രോ റെയിൽ പദ്ധതിയുടെ അലൈൻമെൻ്റ് ചർച്ച ചെയ്യുന്നതിനായി ചീഫ് സെക്രട്ടറിയുടെ നേതൃത്വത്തിൽ Read more
അസോസിയേഷന് ഓഫ് മോഡൽസ് ആൻഡ് ഓർഗനൈസേഴ്സിൻ്റെ (AMO) എക്സിക്യൂട്ടീവ് മീറ്റിംഗും തെരഞ്ഞെടുപ്പും തിരുവനന്തപുരത്ത് Read more
ശ്രീ ചിത്ര തിരുനാൾ ഇൻസ്റ്റിറ്റ്യൂട്ട് ഫോർ മെഡിക്കൽ സയൻസസ് ആൻഡ് ടെക്നോളജിയിൽ ഡയറക്ടർ Read more
