Kerala Transport Minister Orders Probe into Fatal Bus Accident

കിഴക്കേകോട്ടയിലെ ദാരുണമായ അപകടത്തിൽ ബാങ്ക് ജീവനക്കാരൻ മരിച്ച സംഭവത്തിൽ ഗതാഗത മന്ത്രി കെ.ബി ഗണേഷ് കുമാർ അന്വേഷണത്തിന് ഉത്തരവിട്ടു. ഗതാഗത കമ്മീഷണർ സി എച്ച് നാഗരാജുവിനാണ് അപകടത്തെക്കുറിച്ച് അന്വേഷിച്ച് റിപ്പോർട്ട് നൽകാൻ നിർദേശം നൽകിയത്. സംഭവത്തിൽ പൊലീസ് കേസെടുത്തിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേരള ബാങ്ക് സീനിയർ മാനേജറായ ഉല്ലാസ് മുഹമ്മദ് (52) ആണ് അപകടത്തിൽ മരിച്ചത്. അശ്രദ്ധമായി വാഹനമോടിച്ചു മരണം ഉണ്ടാക്കിയതിനാണ് കേസ് രജിസ്റ്റർ ചെയ്തിരിക്കുന്നത്. കെഎസ്ആർടിസി ബസിന്റെയും സ്വകാര്യ ബസിന്റെയും ഡ്രൈവർമാരാണ് കേസിലെ പ്രതികൾ. ഉദാസീനമായി മനുഷ്യ ജീവന് ആപത്തുണ്ടാക്കുംവിധം ഇരു ഡ്രൈവർമാരും വാഹനം ഓടിച്ചെന്നാണ് എഫ്ഐആറിൽ രേഖപ്പെടുത്തിയിരിക്കുന്നത്.

ഉച്ചയ്ക്ക് 1.45 നാണ് ദാരുണമായ അപകടം സംഭവിച്ചത്. സീബ്രാ ലൈനിലൂടെ റോഡ് മുറിച്ചുകടക്കാൻ ശ്രമിച്ച ഉല്ലാസ് മുഹമ്മദ് ബസ്സുകൾക്കിടയിൽ പെട്ട് ഞെരിഞ്ഞമർന്നു. സിഗ്നൽ മാറിയ ഉടൻ കെഎസ്ആർടിസി ബസും കുറുകെ നിന്ന സ്വകാര്യ ബസ്സും ഒരുമിച്ച് മുന്നോട്ടെടുത്തതോടെയാണ് അപകടം ഉണ്ടായത്. ഇരു വാഹനങ്ങളുടെയും ഡ്രൈവർമാരുടെ അശ്രദ്ധ മരണകാരണമായി എന്നാണ് പ്രാഥമിക നിഗമനം.

പാലോട് രവിയുടെ പരാമർശത്തിൽ നടപടിയെടുക്കുമെന്ന് കെപിസിസി പ്രസിഡന്റ് സണ്ണി ജോസഫ്

കൊല്ലം വാളത്തുങ്കൽ വെൺപാലക്കര സ്വദേശിയായ ഉല്ലാസ് മുഹമ്മദ് ചാലാ ജുമുഅ മസ്ജിദിൽ ജുമുഅ നമസ്കാരത്തിന് ശേഷം മടങ്ങിവരും വഴിയായിരുന്നു അപകടത്തിൽപ്പെട്ടത്. കേരള ബാങ്ക് വികാസ് ഭവൻ ശാഖയിലെ സീനിയർ മാനേജറായിരുന്നു അദ്ദേഹം. കിഴക്കേകോട്ടയിൽ സ്വകാര്യ ബസ്സുകളും കെഎസ്ആർടിസി ബസുകളും തമ്മിലുള്ള മത്സരം ജീവനെടുക്കുന്നത് ഇതാദ്യമല്ലെന്നത് ഗൗരവമേറിയ കാര്യമാണ്.

Story Highlights: Transport Minister orders investigation into fatal bus accident in Thiruvananthapuram

സംസ്ഥാനത്ത് മുങ്ങിമരണങ്ങൾ കൂടുന്നു; തിരുവനന്തപുരത്ത് ആറുവർഷത്തിനിടെ മരിച്ചത് 352 പേർ