Tragedy at Thikkodi Beach: Four Drowned

കോഴിക്കോട് തിക്കോടി കല്ലകത്ത് ബീച്ചിൽ ഉണ്ടായ ദാരുണമായ അപകടത്തിൽ നാല് പേർക്ക് ജീവൻ നഷ്ടമായി. മുണ്ടേരി സ്വദേശി ഫൈസൽ, കൽപ്പറ്റ നോർത്ത് സിപിഎം ലോക്കൽ കമ്മിറ്റി അംഗം വിനീഷ് (40), അനീസ (35), വാണി (32) എന്നിവരാണ് മരിച്ചത്. അപകടത്തിൽപ്പെട്ടവരുടെ മൃതദേഹങ്ങൾ കോഴിക്കോട് മെഡിക്കൽ കോളജിലേക്ക് മാറ്റി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കടലിൽ ഉൾവലിയുകയും ശക്തമായ തിരമാലകൾ അടിക്കുകയും ചെയ്തതാണ് അപകടകാരണമെന്ന് പ്രാഥമിക നിഗമനം. അപകട മുന്നറിയിപ്പ് നൽകിയിരുന്നതായി സ്ഥലം എംഎൽഎ കാനത്തിൽ ജമീല പറഞ്ഞു. പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹങ്ങൾ ബന്ധുക്കൾക്ക് വിട്ടുനൽകും.

കൽപ്പറ്റയിലെ ജിമ്മിൽ ഒരുമിച്ച് പരിശീലനം നടത്തുന്നവരായിരുന്നു അപകടത്തിൽപ്പെട്ടവർ. അവധി ദിവസമായതിനാൽ കോഴിക്കോട്ടേക്ക് വിനോദയാത്രയ്ക്ക് എത്തിയതായിരുന്നു ഇവർ. കോഴിക്കോടെത്തിയ ശേഷം രണ്ട് മൂന്ന് സ്ഥലങ്ങളിൽ പോയെന്നും ഉച്ചയായപ്പോഴാണ് കടപ്പുറത്ത് എത്തിയതെന്നും അപകടത്തിൽ നിന്ന് രക്ഷപ്പെട്ട ജിൻസി പറഞ്ഞു.

26 പേരുടെ സംഘത്തിലാണ് ഇവർ ഉണ്ടായിരുന്നത്. വെയിലായതിനാൽ പകുതി പേരും വാഹനത്തിൽ തന്നെ ഇരുന്നുവെന്നും ആറ് പേർ കടലിൽ ഇറങ്ങിയെന്നും ജിൻസി വ്യക്തമാക്കി. തിര അടിച്ചപ്പോൾ താൻ ഉൾപ്പെടെ അഞ്ച് പേർ അപകടത്തിൽപ്പെട്ടുവെന്നും കൂടെയുണ്ടായിരുന്ന ഒരാൾ തന്നെ രക്ഷപ്പെടുത്തിയെന്നും ജിൻസി പറഞ്ഞു.

ഇച്ചാക്കയ്ക്ക് ജന്മദിനാശംസകളുമായി മോഹൻലാൽ; ചിത്രം വൈറൽ

നാല് പേരെ രക്ഷപ്പെടുത്താൻ സാധിച്ചില്ലെന്നും ജിൻസി കൂട്ടിച്ചേർത്തു.

Story Highlights: Four individuals tragically lost their lives after being swept away by powerful waves at Thikkodi beach in Kozhikode.

വിജിൽ കൊലക്കേസ്: മൃതദേഹം കണ്ടെത്താൻ ഇന്ന് വീണ്ടും തിരച്ചിൽ