Thief Returns Stolen Items to Late Marathi Author's Home

പ്രശസ്ത മറാഠി എഴുത്തുകാരനും സാമൂഹ്യപ്രവർത്തകനുമായിരുന്ന അന്തരിച്ച നാരായൺ സർവേയുടെ വീട്ടിൽ നിന്ന് മോഷ്ടിച്ച വസ്തുക്കൾ കള്ളൻ തിരിച്ചെത്തിച്ചു. റായ്ഗഡ് ജില്ലയിലെ നേരൽ എന്ന സ്ഥലത്തുള്ള വീട്ടിൽ നടന്ന മോഷണം വാർത്തയായതിന് പിന്നാലെയാണ് കള്ളൻ്റെ ഈ നീക്കം. വീട്ടിലെ എൽഇഡി ടിവിയടക്കമുള്ള സാധനങ്ങളാണ് മോഷ്ടിക്കപ്പെട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ കള്ളൻ കുറ്റബോധം തോന്നി കൊണ്ടുപോയ സാധനങ്ങളെല്ലാം വീട്ടിൽ തന്നെ തിരിച്ചെത്തിക്കുകയായിരുന്നു. 2010 ഓഗസ്റ്റ് 16 ന് 84-ാം വയസിൽ അന്തരിച്ച നാരായൺ സർവേ മറാഠി കവിയും സാമൂഹ്യപ്രവർത്തകനുമായിരുന്നു. മുംബൈയിൽ അനാഥനായി തെരുവിൽ ജനിച്ച അദ്ദേഹം ബാല്യത്തിൽ പല തരം ജോലി ചെയ്ത് ഉപജീവനം കണ്ടെത്തി.

യുവാവായപ്പോൾ പോർട്ടറായും മില്ലുകളിലും പണിയെടുത്തു. അക്ഷരാഭ്യാസം നേടിയ അദ്ദേഹം നിരന്തരം വായിച്ച് അറിവുണ്ടാക്കി. നഗരങ്ങളിലെ തൊഴിലാളി വർഗത്തിൻ്റെ ദുരിതങ്ങളെ എഴുത്തിലൂടെ പ്രതിഫലിപ്പിച്ച അദ്ദേഹം സഹജീവികൾക്കൊപ്പം പോരാട്ട രംഗത്തും സജീവമായിരുന്നു.

ഇപ്പോൾ സർവേയുടെ മകൾ സുജാതയും ഭർത്താവ് ഗണേഷുമാണ് റായ്ഗഡിലെ വീട്ടിൽ താമസിക്കുന്നത്. ഇരുവരും മകൻ്റെ വീട്ടിലേക്ക് താമസിക്കാനായി പോയ സമയത്താണ് കള്ളൻ കയറിയത്. പത്ത് ദിവസത്തോളം വീട് അടച്ചിട്ടിരുന്നു.

രാജീവ് ചന്ദ്രശേഖർ: കേരള ബിജെപിയുടെ പുതിയ പ്രതീക്ഷ

ആദ്യത്തെ ദിവസം സാധനങ്ങളുമായി പോയ കള്ളൻ തൊട്ടടുത്ത ദിവസം കൂടുതൽ സാധനങ്ങളെടുക്കാൻ വീണ്ടും എത്തി. അപ്പോഴാണ് ചുവരിൽ നാരായൺ സർവേയുടെ ചിത്രം കണ്ടത്. നല്ല വായനക്കാരനായ കള്ളൻ കുറ്റബോധം തോന്നി സാധനങ്ങൾ തിരിച്ചെത്തിക്കുകയും മഹാനായ എഴുത്തുകാരൻ്റെ വീട്ടിൽ നിന്ന് മോഷ്ടിച്ചതിന് മാപ്പാക്കണമെന്ന് ഒരു കുറിപ്പ് എഴുതി ചുവരിൽ ഒട്ടിച്ച ശേഷം മടങ്ങുകയും ചെയ്തു.

ട്രെയിനിൽ നിന്ന് വീണ് മരിച്ചയാളുടെ ബാഗിൽ നിന്ന് പണം മോഷ്ടിച്ച എസ്ഐക്ക് സസ്പെൻഷൻ